حیدرآباد کے خلاف جیت درج کرکے کپتان چھیتری کے 150ویں میچ کا جشن منانا چاہے گی بنگلورو ایف سی
بنگلورو، 24 فروری ۔ بنگلورو ایف سی آج شام اپنے گھریلو میدان شری کانتاراوا اسٹیڈیم میں کھیلے جانے والے انڈین سپر لیگ (آئی ایس ایل) 24-2023 کے ڈبل ہیڈر ڈے کے دوسرے میچ میں حیدرآباد ایف سی سے مقابلہ کرے گی۔ ہوم ٹیم کے کپتان سنیل چھیتری کے لیے یہ ایک یادگار میچ ہوگا، کیونکہ تجربہ کار فارورڈ اپنا 150 واں آئی ایس ایل میچ کھیل رہے ہیں۔ ممبئی سٹی ایف سی کے خلاف اپنے پچھلے مقابلے میں 0-2 سے شکست کھانے کے بعد چھتری بلیوز کے لیے اپنے خاص دن پر اچھی خبر چاہیں گے۔
حالانکہ بنگلورو ایف سی ٹیبل میں 10 ویں نمبر پر ہے اور ان کے لیے چھٹی پوزیشن کی جنگ کھلی ہے کیونکہ بہت سی ٹیمیں پلے آف میں کوالیفکیشن کے لیے مقابلے میں ہیں۔ بلیوز اب کسی غلطی کا متحمل نہیں ہو سکتا، خاص طور پر یہ گھریلو مقابلہ ہے۔ حیدرآباد ایف سی کے لیے اس سیزن میں کچھ بھی ٹھیک نہیں رہا ہے۔
حالانکہ ہیڈ کوچ تھانگ بوئی سنگٹو بار بار سیزن کے دوسرے ہاف میں ناتجربہ کار نوجوانوں کی ٹیم کو میدان میں اتار رہے ہیں اور وہ چاہیں گے کہ ان کے کھلاڑی قابل ہوں اور لیگ کے آخری مراحل میں کچھ امید افزا نتائج حاصل کریں جو ٹیم کے مستقبل کے لیے امید کی کرن بیدار کر سکیں۔
بنگلورو ایف سی کے اسسٹنٹ کوچ رینیڈی سنگھ نے جمعہ کو پری میچ پریس کانفرنس میں کہا، ’’ہم نے اچھی تیاری کی ہے۔ ممبئی سٹی ایف سی کے خلاف میچ ہمارے لیے ایک جھٹکا تھا۔ اگرچہ ہم 0-2 سے ہار گئے لیکن ہم نے کچھ اچھے مواقع پیدا کیے جن میں سے دو پوسٹ پر بھی لگے۔ ہم کمپیکٹ رہنا چاہتے ہیں۔‘‘
حیدرآباد ایف سی کے ہیڈ کوچ تھانگبوئی سنگٹو نے میچ کی قبل شام کہا کہ ’’ہم نے سنیل چھیتری اور بی ایف سی کے دیگر قومی ٹیم کے کھلاڑیوں کے خلاف کھیلا ہے۔ ان کے پاس مضبوط سینٹر بیک ہیں۔ بنگلورو ایک فائٹر ٹیم ہے اور یہ میچ مسابقتی ہوگا۔‘‘
آپ کو بتاتے چلیں کہ دونوں ٹیموں کے درمیان اب تک کل 9 میچز کھیلے گئے ہیں، جن میں بنگلورو ایف سی نے 1 اور حیدرآباد ایف سی نے 4 جیتے ہیں، اور 4 میچ ڈرا ہوئے ہیں۔
