تروچیراپلی (تمل ناڈو)، 20 جنوری (ہ س)۔ وزیر اعظم نریندر مودی نے آج یہاں شری رنگناتھ سوامی مندر میں پوجا کی۔ وزیر اعظم مودی آج سے تمل ناڈو کے دو روزہ دورے پر ہیں۔ وزیر اعظم اس دوران مختلف اہم مندروں کا دورہ کریں گے۔ ان میں دھنوش کوٹی میں واقع کودنڈ رام سوامی مندر اورشری ارولمیگو رامناتھ سوامی مندر نمایاں ہیں۔
بھارتیہ جنتا پارٹی نے وزیر اعظم نریندر مودی کی شری رنگناتھ سوامی مندر پہنچ کر پوجا کرنے کی تصویر شیئر کی ہے۔ وزیر اعظم سری رنگناتھ سوامی مندر میں کمب رامائنم کے چھندوں کا پاٹھ بھی سنیں گے۔ وزیر اعظم نریندر مودی دوپہر 2 بجے کے قریب رامیشورم پہنچیں گے اور شری ارولمیگو رامناتھا سوامی مندر میں درشن اور پوجا کریں گے۔ وہ مندر میں منعقد ہونے والے ‘شری رامائن پارائن’ پروگرام میں بھی شرکت کریں گے۔ پروگرام میں آٹھ مختلف روایتی منڈلیاںسنسکرت، اودھی، کشمیری، گرومکھی، آسامی، بنگالی، میتھلی اور گجراتی رام کتھاوں (شری رام کی ایودھیا واپسی کی کہانی بیان کرتے ہوئے) سنائیں گے۔ وزیر اعظم شری ارولمیگو رامناتھ سوامی مندر میں بھجن شام میں بھی شرکت کریں گے۔ شام کو مندر کے احاطے میں بھکت گیت گائے جائیں گے۔
ہندوستھان سماچار
