ساو تھ سنے انڈسٹری میں لیڈی سپر اسٹار کے طور پر جانی جانے والی اداکارہ نین تارا نے اپنی فلم ‘اناپورنی’ میں پربھو رام چندر کے بارے میں متنازعہ بیان دیا تھا۔ بنانے والوں کے خلاف اس بنیاد پر شکایت بھی درج کی گئی کہ اس سے مذہبی جذبات کو ٹھیس پہنچی ہے۔ بڑھتے ہوئے تنازع کی وجہ سے نیٹ فلکس نے فلم کو ہٹا دیا۔ اس کے بعد نین تارا نے معافی مانگ لی ہے۔
نین تارا نے انسٹاگرام پر معافی مانگی۔ اس بیان میں جئے شری رام بڑے حروف میں لکھا گیا ہے۔ میری فلم ‘اناپورنی’ محض مالی فائدے کے لیے نہیں بنائی گئی، ہم اس فلم کے ذریعے ایک مثبت پیغام دینا چاہتے تھے، لیکن انجانے میں کچھ لوگوں کے جذبات مجروح ہوئے۔ ہم نے نہیں سوچا تھا کہ سینسر بورڈ سے منظوری ملنے کے بعد سینما گھروں میں ریلیز ہونے والی فلم کواو ٹی ٹی سے ہٹا دیا جائے گا۔ نہ میری ٹیم اور نہ ہی میرا ارادہ لوگوں کے جذبات کو ٹھیس پہنچانا تھا۔ نین تارا نے لکھا، میرے دو دہائیوں کے طویل فلمی کیریئر میں میرا مقصد مثبتیت پھیلانا رہا ہے۔
فلم ‘اناپورنی’ 1 دسمبر کو تھیٹروں میں اور پھر او ٹی ٹی پلیٹ فارم نیٹ فلکس پر 29 دسمبر کو ریلیز ہوئی۔ فلم پر ہندوو¿ں کے مذہبی جذبات کو ٹھیس پہنچانے کا الزام لگایا گیا تھا جس کے بعد فلم کو نیٹ فلکس سے ہٹا دیا گیا تھا۔ یہی نہیں فلم کے پروڈیوسرز اور نین تارا کے خلاف بھی شکایت درج کرائی گئی۔
ہندوستھان سماچار
