بنڈس لیگا: بائرن میونخ نے جمال موسیالا کے دو گول کی بدولت ہوفین ہیم کو 0-3 سے دی شکست
برلن، 13 جنوری (ہ س)۔ پچھلے ایڈیشن کی رنر اپ بائرن میونخ نے 2024 کا آغاز جیت کے ساتھ کیا۔ جمال موسیالا کے دو گولوں کی مدد سے ٹیم نے 10 کھلاڑیوں کے ساتھ کھیلتے ہوئے بنڈس لیگا کے 17ویں راونڈ میں جمعہ کو ہوفین ہیم کو 0-3 سے شکست دی۔
بائرن نے میچ کے آغاز سے ہی گیند پر اپنا قبضہ جمائے رکھا، میچ کے 18ویں منٹ میں لیرائے سانے کے پاس پر جمال موسیالا نے شاندار گول کر کے اپنی ٹیم کو 0-1 سے آگے کر دیا۔ تاہم اس گول کے بعد وقفہ تک دونوں ٹیمیں کوئی گول نہ کر سکیں۔
وقفے کے بعد بائرن نے وہیں سے شروعات کی جہاں انہوں نے چھوڑا تھااور انہیں لگا کہ انہوں نے برتری دو گنا کر دی ہے، جب 55 ویں منٹ میں ہیری کین نے گول کیا،حالانکہ ان کے گول کو آف سائیڈ قرار دیا گیا۔ میچ کے 70ویں منٹ میں موسیالا نے میچ کا اپنا دوسرا گول کر کے بائرن کو 0-2 سے آگے کر دیا۔
چار منٹ بعد ہوفین ہیم کے لیے حالات بد سے بدتر ہوتے چلے گئے جب گریشا پرومیل کو ان کے دوسرے ناقابل معافی جرم کے لیے باہر بھیج دیا گیا۔ اس کے بعد بائرن نے کوئی رحم نہیں دکھایا اور ہیری کین نے سیزن کا اپنا 22 واں گول کر کے بائرن کو 0-3 سے فتح دلادی۔
ہندوستھان سماچار
/شہزاد
