واشنگٹن ،07دسمبر (ہ س )۔
یوکرین اور اسرئیل کی جنگوں میں امداد کے لئے امریکہ سب سے آگے رہا ہے لیکن جنگ کے اخراجات کا مزید بڑھتا بوجھ امریکہ کے لئے اٹھانا اب مشکل ہو رہا ہے ۔ اس سلسلے میں امریکی سینیٹ نے بھی مزید دونوں ممالک کی جنگی امداد میں توسیع کی مخالفت شروع ہو گئی ہے ۔
رپورٹ کے مطابق امریکی سینیٹ نے یوکرین اور اسرائیل کے لیے مزید اربوں ڈالرز کی ہنگامی امداد دینے سے انکار کر دیا۔غیر ملکی میڈیا کے مطابق یوکرین اور اسرائیل کی امداد کے حق میں 49 اور مخالفت میں 51 ووٹ پڑے جبکہ 100 رکنی ایوان میں بل منظور ہونے کے لیے 60 ووٹ درکار تھے۔رپورٹس کے مطابق سابق صدارتی امیدوار بننے کے خواہش مند سینیٹر برنی سینڈرز نے بھی بل کی مخالفت میں ووٹ دیا۔
سینیٹر برنی سینڈرز نے اسرائیلی فوجی کارروائی کو غیر انسانی عمل بھی قرار دیا۔غیر ملکی میڈیا کے مطابق 110 ارب ڈالرز کے امدادی بل میں اسرائیلی فوجی کارروائی کے لیے 14 ارب ڈالرز مختص تھے۔
ہندوستھان سماچار
