یدرآباد، یکم ۔ دسمبر(ہ س)۔
بی آر ایس ورکنگ صدرو ریاستی وزیر کے ٹی آرنے ایگزٹ پول نتائج کوبکواس قراردے کرمستردکردیا۔70سے زائدحلقوں پرکامیابی حاصل کرکے ہیٹ ٹرک حکومت تشکیل دینے کادعویٰ کیا۔ایگزٹ پولس سے مایوس نہ ہونے کا کیڈرکومشورہ دیا۔ ایگزٹ پولس کے بعد تلنگانہ بھون میں پریس کانفرنس سے خطاب کرتے ہوئے کے ٹی آر نے کہا کہ ایگزٹ پولیس حقائق سے کوسوں دور ہیں۔ اس طرح ایگزٹ پولس ماضی میں بھی دیکھےگئے ہیں۔ایگزٹ پولس کو غلط ثابت کرنا ہمارے لئے نئی بات نہیں ہے۔ 3 دسمبر کو ووٹوں کی گنتی ہے جس میں بی آر ایس 70 سے زیادہ حلقوں پرکامیابی حاصل کرے گی۔ پارٹی کیڈر ایگزٹ پولیس نتائج دیکھ کر تشویش میں مبتلا نہ ہو، چند ٹیلی ویژن چیانلس سروے کئے بغیر صرف 200 لوگوں کی رائے حاصل کرنے کااعلان کرکے اس پر کانگریس کی لہر چلنے کا دعویٰ کررہے ہیں۔ ماضی میں پانچ میڈیا اداروں نے سروے کیا تھا جس میں ایک ہی صحیح ثابت ہوا تھا۔ کے ٹی آرنے کہا کہ عوام ابھی پولنگ کی قطاروں میں کھڑے ہوکر حق رائے دہی سے استفادہ کررہے ہیں تبھی ایگزٹ پولس کی اجرائی مضحکہ خیزہے۔ کس منطق کے تحت ایگزٹ پولس نتائج جاری ہوئے سمجھ سے باہرہے اورتعجب بھی ہورہاہے۔ جومیڈیاہاوس ایگزٹ پولس جاری کررہے ہیں اگروہ3دسمبرکوغلط ثابت ہوتے ہیں توکیا عوام سے معذرت خواہی کرینگے۔بی آر ایس کیڈراورعوام کوتجسس کی ضرورت نہیں ہے۔بی آرایس تیسری مرتبہ بھاری اکثریت سے حکومت تشکیل دے رہی ہے۔ بی آرایس کارکنوں نے 90 دن محنت کی ہے۔
پارٹی کیلئے کام کرنے والے قائدین و کارکنوں سے کے ٹی آر نے اظہار تشکر کیا اورکہا کہ ہم توقع کررہے تھے کہ بی آر ایس 88 اسمبلی حلقوں پر کامیابی حاصل کریگی۔ مگر چند وجوہات کے باعث اکثریت میں تھوڑی کمی ہوئی ہے۔70سے زائداسمبلی حلقوں پرپارٹی کامیابی حاصل کرے گی۔
ہندوستھان سماچار/
/عطاءاللہ
