نئی دہلی، 13 نومبر (ہ س)۔ قومی راجدھانی دہلی-این سی آر میں پانچ دن پہلے جمعرات کوہوئی بارش کی وجہ سے بہتر ہوئی ہوا آج (پیر) کی صبح پھر سے خراب ہوگئی۔ دیوالی کی خوشی میں ڈوبے زیادہ تر لوگوں نے پٹاخوں پرعائد سپریم کورٹ کی پابندی کی پرواہ نہیں کی۔ دیر رات تک آتش بازی کر آسمان کو دھواں دھواں کر دیا اور لوگوں کا دم پھلا دیا ۔
مرکزی آلودگی کنٹرول بورڈ کے مطابق دہلی میں ہوا کا معیار بدستور ‘خراب’ زمرے میں ہے۔ آج صبح ہوا کے معیار کا مجموعی انڈیکس (اے کیو آئی ) آنند وہار میں 296، آر کے پورم میں 290، پنجابی باغ میں 280 اور آئی ٹی اومیں 263 تھا۔ کل (ہفتہ) کے مقابلے میں اس میں اضافہ ہوا ہے۔ کل صبح اے کیو آئی دہلی کے آنند وہار میں 266، آر کے پورم میں 241، پنجابی باغ میں 233 اور آئی ٹی او میں 227 تھا۔
گزشتہ 24 گھنٹوں کے دوران مجموعی ہوا کے معیار کے انڈیکس (اے کیو آئی ) میں اضافے کی وجہ سے دارالحکومت کی صبح دھوئیں سے ڈھکی ہوئی تھی۔ ویزیبلٹی بھی کم تھی۔ کل کی طرح، آج (بھی) ہوا کا معیار ‘خراب’ زمرے میں ہے۔ صبح 6 بجے قومی راجدھانی دہلی کے مختلف حصوں میں سڑکوں پر دھند چھائی ہوئی تھی۔ اس سے ویزیبلٹی نمایاں طور پر کم ہو گئی اور چند سو میٹر سے آگے دیکھنا مشکل ہو گیا۔
حال ہی میں دہلی حکومت نے بھی پٹاخوں پر مکمل پابندی عائد کر دی ہے۔ حکومت نے خراب ہوا سے نمٹنے کے لیے ‘مصنوعی بارش’ کرانے پر بھی غور کیا تھا لیکن قدرتی طور پر ہوئی بارش سے ملنے والی بڑی راحت کی وجہ سے حکومت نے اپنا فیصلہ ملتوی کر دیا۔ مرکزی آلودگی کنٹرول بورڈ کے مطابق دہلی-این سی آر میں ہوا کے معیار کی سطح پیر کی صبح 300 تک نیچے آگیا۔
بورڈ نے خبردار کیا ہے کہ شمال مغربی ہواوں کی وجہ سے آلودگی کی سطح بڑھ سکتی ہے۔ آج دہلی میں ہوا کا معیار مزید ‘انتہائی خراب’ زمرے تک پہنچ سکتا ہے۔ ہوا کے معیار کا انڈیکس آج رات تک 400 پوائنٹس کو عبور کر سکتا ہے۔ 14 نومبر کو ہوا کا معیار ‘شدید’ زمرے میں رہنے کا امکان ہے۔
ہندوستھان سماچار
