نئی دہلی، 27 اکتوبر (ہ س)۔
ضلع وسطی کے تھانہ نبی کریم میں گزشتہ رات ایک کمسن لڑکے کو چاقو کے وار کر کے قتل کر دیا گیا۔ بتایا جا رہا ہے کہ قتل کرنے والے لڑکے نے تھانے جا کر خودسپردگی کی۔ ملزم نابالغ بتایا جاتا ہے۔
ابتدائی تفتیش میں قتل کی وجہ واضح نہیں ہوسکی ہے۔ پولیس متوفی کے رشتہ داروں اور دوستوں سے پوچھ گچھ کر رہی ہے۔ اس کے علاوہ حراست میں لیے گئے نابالغ لڑکے سے بھی جاننے کی کوشش کی جا رہی ہے۔ قتل کا یہ واقعہ گزشتہ رات تھانہ نبی کریم کے علاقہ ملتانی ڈھانڈہ میں پیش آیا۔
جہاں یہ واقعہ پیش آیا، اس کے قریب ہی ماتا کی چوکی بھی منعقد کی جا رہی تھی۔ اس دوران کسی بات پر جھگڑا ہوا۔ جس میں پہلے جھگڑا شروع ہوا، پھر نابالغ لڑکے نے نوجوان پر چاقو سے حملہ کرکے اسے بری طرح زخمی کردیا۔ زخمی لڑکے کو قریبی اسپتال لے جایا گیا تو ڈاکٹروں نے اسے مردہ قرار دے دیا۔
قابل ذکر ہے کہ وسطی دہلی کے رنجیت نگر علاقے میں دسہرہ کی رات ڈی جے پر ڈانس کرنے کے تنازعہ میں ایک نوجوان کو دوسرے نوجوانوں نے گولی مار دی تھی۔ اس سے قبل بھی نبی کریم کے علاقے میں نوکر نے ڈھابہ مالک اور اس کے نابالغ بیٹے کو گلا کاٹ کر قتل کر دیا تھا۔ ملزم کو پولیس نے پنجاب سے گرفتار کیا تھا۔
اس سے پہلے سنٹرل دہلی کے جامع مسجد علاقے میں مٹیا محل چوک کے قریب 18 سالہ نوجوان عارف کو قتل کر دیا گیا تھا۔ بعد ازاں پولیس نے اس معاملے میں چار ملزمان کو گرفتار کرلیا۔ اس مہینے کی 4 یا 5 اکتوبر کی دیر رات کو پرساد نگر علاقے میں ایک نوجوان کیشو ککڑ کو گولی مار کر ہلاک کر دیا گیا تھا۔ بعد ازاں پولیس نے چھاپہ مار کر ملزم کو گرفتار کر لیا۔
ہندوستھان سماچار
