دھرم شالہ، 18 اکتوبر (ہ س)۔
نیوزی لینڈ کی ٹیم بھارت اور نیوزی لینڈ کے درمیان 22 اکتوبر کو دھرم شالہ کرکٹ اسٹیڈیم میں کھیلے جانے والے ورلڈ کپ لیگ میچ کے لیے کل جمعرات کو دھرم شالہ پہنچے گی۔ ہندوستانی ٹیم کو 20 اکتوبر کو دھرم شالہ پہنچنا ہے۔
نیوزی لینڈ کی ٹیم جمعرات کی سہ پہر تقریباً 3 بجکر 20 منٹ پر کانگڑا ایئرپورٹ پہنچے گی جہاں سے ٹیم کے کھلاڑی سخت حفاظتی انتظامات کے درمیان براہ راست ہوٹل بلو ریڈیسن پہنچیں گے۔ نیوزی لینڈ کی ٹیم میچ سے تین دن قبل دھرم شالہ پہنچ رہی ہے۔ اس دوران ٹیم کے پاس نیٹ پریکٹس کا پروگرام بھی ہے۔
دھرم شالہ میں ہونے والے ہندوستان کے واحد میچ کو لے کر کرکٹ کے شائقین میں زبردست جوش و خروش پایا جاتا ہے۔ یہی وجہ ہے کہ اس میچ کے تقریباً تمام ٹکٹس آن لائن فروخت ہو چکے ہیں۔ اس ورلڈ کپ میں دونوں ٹیمیں شاندار کارکردگی کا مظاہرہ کر رہی ہیں جس کی وجہ سے پوائنٹس ٹیبل پر بھارت پہلے جبکہ نیوزی لینڈ دوسرے نمبر پر ہے۔
ہالینڈ اور جنوبی افریقہ کی ٹیمیں واپس لوٹ گئیں۔
منگل کو دھرم شالہ میں میچ کھیلنے کے بعد نیدرلینڈ اور جنوبی افریقہ کی ٹیمیں بدھ کو واپس لوٹ گئیں۔ دھرم شالہ میں کھیلے گئے اس ڈے اینڈ نائٹ میچ میں ہالینڈ نے بڑا اپ سیٹ کیا اور جنوبی افریقہ کو 38 رنز سے شکست دی۔
ہندوستھان سماچار
