کنٹریکٹرز ایسوسی ایشن کا جل شکتی و تعمیرات عامہ میں بلوں کی عدم ادائیگی پر ناراضگی کا اظہار
جموں، 17 اکتوبر (ہ س)۔ آل کنٹریکٹرز ایسوسی ایشن جموں صوبہ نے جل شکتی، پی ڈبلیو (آر اینڈ بی) اور آئی اینڈ ایف سی محکموں پر الزام عائد کرتے ہوئے کہا کہ مذکورہ محکمہ جات نے بہت سے کام شروع کیے ہیں لیکن یہ ایجنسیاں ٹھیکیداروں کی کروڑوں کی زیر التواء ادائیگیوں کو جاری کرنے میں ناکام رہی ہیں۔ پریس کانفرنس کے دوران کنٹریکٹرز ایسوسی ایشنز کے سربراہان نے ایل جی انتظامیہ کی جانب سے دو سے تین سال قبل مختلف کاموں کی تکمیل کے بعد بھی کنٹریکٹرز کی زیر التواء ادائیگیاں جاری نہ کرنے پر سخت ناراضگی کا اظہار کیا۔
ان کا کہنا تھا کہ یہاں تک کہ بہت سے کام حکومت کے ذریعہ شروع کیے گئے ہیں لیکن وہ بلوں کی ادائیگی کرنے میں ناکام رہی۔ انہوں نے کہا کہ بہت سے کام تقریباً ساڑھے تین سال پہلے مکمل ہو چکے ہیں، ڈویژنز کی طرف سے کٹوتی کی گئی سیکیورٹی ڈپازٹ ایک بھی مکمل شدہ کام کے لیے جاری نہیں کی گئی۔ سب سے پہلے ٹینڈر دوسرے ہیڈ کے تحت کیے گئے اور پھر اسے لینگوئشنگ ہیڈ میں تبدیل کر دیا گیا اور محکمے کی طرف سے شرائط بھی تبدیل کر دی گئیں اور ٹھیکیداروں کی ادائیگیاں روک دی گئیں۔ اب حکومت کے لوگ خود ہی الجھن کا شکار ہیں۔
ان کا مزید کہنا تھا کہ بعض معاملات میں ٹھیکیداروں نے ایک سال قبل محکمہ کو بل جمع کرائے تھے لیکن محکمہ نے اب اتنے عرصے کے بعد بل اپ لوڈ کیے ہیں اور اُس کام ثبوت مانگ رہے ہیں۔ انہوں نے کہا کہ کچھ معاملات میں محکمہ نے حکومت کو غلط معلومات پیش کی ہیں۔
قابل ذکر ہے کہ محکمہ کی طرف سے کچھ اسکیمیں بند کر دی گئی ہیں لیکن ٹھیکیداروں کی طرف سے ای ٹینڈرنگ کے بعد کئے گئے کاموں کی ادائیگیاں ابھی تک زیر التواء ہیں۔ محکمہ جل شکتی کی تقریباً 172 واٹر سپلائی اسکیموں کی ادائیگیاں بھی التوا میں ہیں جس وجہ سے ٹھیکیداروں کو مشکلات کا سامنا ہے۔ ان کا کہنا تھا کہ جب جل جیون مشن کے تحت کام ٹھیکیداروں کو الاٹ کیے گئے تھے، جی آئی پائپوں کے لیے ٹینڈر میں پروویژن موجود تھا لیکن محکمہ اب ایچ ڈی پی ای پائپوں کے لیے پروویژن کو تبدیل کر رہا ہے جو ٹھیکے کی صریح خلاف ورزی ہے۔ انہیں روکنے والا کوئی نہیں ہے اور وہ یہ سب کچھ اپنی مرضی سے کر رہے ہیں۔ ٹھیکیداروں نے پی ایم مودی سے اپیل کی ہے کہ وہ اس معاملے میں مداخلت کریں کیونکہ جے کے یو ٹی انتظامیہ میں سننے والا کوئی نہیں ہے۔
ہندوستھان سماچار
/شہزاد
