ਇੰਦੌਰ, 27 ਸਤੰਬਰ । ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਇਕ ਦਿਨ ਦੀ ਫੇਰੀ ’ਤੇ ਬੁੱਧਵਾਰ ਨੂੰ ਇੰਦੌਰ ਪਹੁੰਚ ਗਏ ਹਨ। ਇੱਥੇ ਹਵਾਈ ਅੱਡੇ ’ਤੇ ਰਾਜਪਾਲ ਮੰਗੂਭਾਈ ਪਟੇਲ ਅਤੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਰਾਸ਼ਟਰਪਤੀ ਮੁਰਮੂ ਇੱਥੇ ਬ੍ਰਿਲਿਅੰਟ ਕਨਵੈਨਸ਼ਨਲ ਸੈਂਟਰ ਵਿੱਚ ਆਯੋਜਿਤ ਦੋ ਦਿਨਾਂ ਸਮਾਰਟ ਸਿਟੀ ਕਨਕਲੇਵ ਵਿੱਚ ਇੰਡੀਆ ਸਮਾਰਟ ਸਿਟੀਜ਼ ਅਵਾਰਡ ਪ੍ਰਤੀਯੋਗਿਤਾ-2022 ਦੇ ਜੇਤੂਆਂ ਨੂੰ ਸਨਮਾਨਿਤ ਕਰਨਗੇ। ਮੁਕਾਬਲੇ ਵਿੱਚ ਵੱਖ-ਵੱਖ ਵਰਗਾਂ ਵਿੱਚ 61 ਪੁਰਸਕਾਰ ਦਿੱਤੇ ਜਾ ਰਹੇ ਹਨ। ਇੰਦੌਰ ਨੂੰ ਚਾਰ ਸ਼੍ਰੇਣੀਆਂ ਵਿੱਚ ਪਹਿਲੇ ਇਨਾਮ ਸਮੇਤ ਸੱਤ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਰਾਸ਼ਟਰਪਤੀ ਸਵੇਰੇ ਕਰੀਬ 10.30 ਵਜੇ ਹਵਾਈ ਸੈਨਾ ਦੇ ਵਿਸ਼ੇਸ਼ ਜਹਾਜ਼ ਰਾਹੀਂ ਇੰਦੌਰ ਪਹੁੰਚੀ। ਇੱਥੇ ਦੇਵੀ ਅਹਿਲਿਆ ਅੰਤਰਰਾਸ਼ਟਰੀ ਹਵਾਈ ਅੱਡੇ ’ਤੇ ਰਾਜਪਾਲ ਪਟੇਲ ਅਤੇ ਮੁੱਖ ਮੰਤਰੀ ਚੌਹਾਨ ਨੇ ਉਨ੍ਹਾਂ ਦਾ ਗੁਲਦਸਤਾ ਭੇਂਟ ਕਰਕੇ ਸਵਾਗਤ ਕੀਤਾ। ਇਸ ਮੌਕੇ ਜਲ ਸਰੋਤ ਮੰਤਰੀ ਤੁਲਸੀਰਾਮ ਸਿਲਾਵਟ ਅਤੇ ਇੰਦੌਰ ਦੇ ਮੇਅਰ ਪੁਸ਼ਿਆਮਿਤਰਾ ਭਾਰਗਵ ਵੀ ਮੌਜੂਦ ਸਨ। ਇਸ ਤੋਂ ਬਾਅਦ ਰਾਸ਼ਟਰਪਤੀ ਹਵਾਈ ਅੱਡੇ ਤੋਂ ਸੜਕ ਮਾਰਗ ਰਾਹੀਂ ਬ੍ਰਿਲੀਅਨ ਕਨਵੈਨਸ਼ਨ ਸੈਂਟਰ ਲਈ ਰਵਾਨਾ ਹੋਏ। ਰਾਸ਼ਟਰਪਤੀ ਲਗਭਗ 11 ਵਜੇ ਪ੍ਰੋਗਰਾਮ ਸਥਾਨ ’ਤੇ ਪਹੁੰਚੀ, ਜਿੱਥੇ ਉਹ ਇੰਦੌਰ ਦੇ ਮੇਅਰ ਪੁਸ਼ਿਆਮਿਤਰਾ ਭਾਰਗਵ, ਨਗਰ ਨਿਗਮ ਕਮਿਸ਼ਨਰ ਹਰਸ਼ਿਕਾ ਸਿੰਘ ਅਤੇ ਸਮਾਰਟ ਸਿਟੀ ਦੇ ਸੀਈਓ ਦਿਵਯੰਕ ਸਿੰਘ ਦਾ ਸਨਮਾਨ ਕਰਨਗੇ। ਦੇਸ਼ ਦਾ ਨੰਬਰ ਇਕ ਸਮਾਰਟ ਸਿਟੀ ਹੋਣ ਦੇ ਨਾਲ-ਨਾਲ ਇੰਦੌਰ ਨੇ ਸ਼ਹਿਰੀ ਵਾਤਾਵਰਣ, ਪਾਣੀ, ਸੈਨੀਟੇਸ਼ਨ ਸਮੇਤ ਹੋਰ ਸ਼੍ਰੇਣੀਆਂ ਵਿਚ ਪਹਿਲਾ ਸਥਾਨ ਅਤੇ ਤਿੰਨ ਹੋਰ ਸ਼੍ਰੇਣੀਆਂ ਵਿਚ ਦੂਜਾ ਸਥਾਨ ਹਾਸਲ ਕੀਤਾ ਹੈ।
ਭਾਰਤ ਦੇ ਰਾਜਾਂ ਦੇ ਸਮਾਰਟ ਸਿਟੀਜ਼ ਅਵਾਰਡ ਮੁਕਾਬਲੇ-2022 ਦੀ ਦਰਜਾਬੰਦੀ ਵਿੱਚ ਮੱਧ ਪ੍ਰਦੇਸ਼ ਪਹਿਲੇ ਸਥਾਨ ’ਤੇ ਆਇਆ ਹੈ। ਇਸ ਤੋਂ ਇਲਾਵਾ ਦੇਸ਼ ਦੇ ਹੋਰ ਸ਼ਹਿਰਾਂ ਦੇ ਵੱਖ-ਵੱਖ ਨਿਵੇਕਲੇ ਪ੍ਰੋਜੈਕਟਾਂ ਨੂੰ ਵੀ ਇਨਾਮ ਦਿੱਤਾ ਜਾਵੇਗਾ। ਇਨ੍ਹਾਂ ਵਿੱਚ ਕੋਇੰਬਟੂਰ, ਨਿਊ ਟਾਊਨ ਕੋਲਕਾਤਾ, ਕਾਨਪੁਰ, ਅਹਿਮਦਾਬਾਦ, ਭੋਪਾਲ, ਜਬਲਪੁਰ, ਲਖਨਊ, ਚੰਡੀਗੜ੍ਹ, ਪਿੰਪਰੀ-ਚਿੰਚਵਾੜ, ਉਦੈਪੁਰ, ਸੂਰਤ, ਆਗਰਾ, ਗਵਾਲੀਅਰ, ਸਾਗਰ, ਵਡੋਦਰਾ, ਸ਼ਿਵਮੋਗਾ, ਰਾਜਕੋਟ, ਹੁਬਲੀ ਧਾਰਵਾੜ, ਸੂਰਤ, ਭੁਵਨੇਸ਼ਵਰ, ਕੋਹਿਮਾ, ਨਾਮਚੀ, ਰਾਂਚੀ, ਸੋਲਾਪੁਰ ਅਤੇ ਵਾਰਾਣਸੀ ਸ਼ਾਮਲ ਹਨ। ਇਸ ਵਿੱਚ ਦੇਸ਼ ਦੇ ਹੋਰ ਰਾਜਾਂ ਅਤੇ ਸਮਾਰਟ ਸਿਟੀ ਦੇ ਮੇਅਰ, ਕਮਿਸ਼ਨਰ, ਸੀਈਓ ਅਧਿਕਾਰੀ ਹਿੱਸਾ ਲੈਣਗੇ। ਰਾਸ਼ਟਰਪਤੀ ਪ੍ਰਦਰਸ਼ਨੀ ਵਿੱਚ ਵੱਖ-ਵੱਖ ਸਮਾਰਟ ਸ਼ਹਿਰਾਂ ਦੀਆਂ ਕਾਢਾਂ ਨੂੰ ਵੀ ਦੇਖਣਗੇ।
