ਨਵੀਂ ਦਿੱਲੀ, 04 ਅਪ੍ਰੈਲ । ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਪ੍ਰਧਾਨ ਜੇਪੀ ਨੱਡਾ ਅੱਜ (ਵੀਰਵਾਰ) ਉੱਤਰਾਖੰਡ ਵਿੱਚ ਦੋ ਥਾਵਾਂ ’ਤੇ ਪਾਰਟੀ ਦੀਆਂ ਚੋਣ ਜਨ ਸਭਾਵਾਂ ਨੂੰ ਸੰਬੋਧਨ ਕਰਨਗੇ। ਇਸ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਹਰਿਦੁਆਰ ‘ਚ ਰੋਡ ਸ਼ੋਅ ‘ਚ ਹਿੱਸਾ ਲੈਣਗੇ। ਉਹ ਸਾਧੂ-ਸੰਤਾਂ ਨਾਲ ਵੀ ਮੁਲਾਕਾਤ ਕਰਨਗੇ।
ਬੀਜੇਪੀ ਹੈੱਡਕੁਆਰਟਰ ਅਤੇ ਪਾਰਟੀ ਦੇ ਐਕਸ ਹੈਂਡਲ ਦੇ ਅਨੁਸਾਰ, ਜੇਪੀ ਨੱਡਾ ਅਲਮੋੜਾ ਲੋਕ ਸਭਾ ਹਲਕੇ ਦੇ ਪਿਥੌਰਾਗੜ੍ਹ ਦੇ ਦੇਵਸਿੰਘ ਮੈਦਾਨ ਵਿੱਚ ਦੁਪਹਿਰ 12:30 ਵਜੇ ਇੱਕ ਜਨ ਸਭਾ ਨੂੰ ਸੰਬੋਧਿਤ ਕਰਨਗੇ। ਇਸ ਤੋਂ ਬਾਅਦ ਬਾਅਦ ਦੁਪਹਿਰ 3:45 ਵਜੇ ਉਹ ਟਿਹਰੀ ਗੜ੍ਹਵਾਲ ਲੋਕ ਸਭਾ ਹਲਕੇ ਦੇ ਵਿਕਾਸ ਨਗਰ ਦੇ ਮੇਨ ਬਜ਼ਾਰ ਚੌਕ ਵਿਖੇ ਪਾਰਟੀ ਦੀ ਜਨ ਸਭਾ ਵਿੱਚ ਹਿੱਸਾ ਲੈਣਗੇ।
