ਰਾਂਚੀ (ਝਾਰਖੰਡ), 09 ਦਸੰਬਰ (ਹਿ. ਸ.)। ਕਾਂਗਰਸ ਦੇ ਰਾਜ ਸਭਾ ਮੈਂਬਰ ਧੀਰਜ ਸਾਹੂ ਦੇ ਟਿਕਾਣਿਆਂ ‘ਤੇ ਆਈਟੀ ਦੀ ਛਾਪੇਮਾਰੀ ਸ਼ਨੀਵਾਰ ਨੂੰ ਚੌਥੇ ਦਿਨ ਵੀ ਜਾਰੀ ਹੈ। ਆਈਟੀ ਟੀਮ ਦੇ ਨਾਲ ਸੀਆਈਐਸਐਫ ਦੇ ਜਵਾਨ ਵੀ ਮੌਜੂਦ ਹਨ। ਧੀਰਜ ਸਾਹੂ ਦੇ ਰਾਂਚੀ ਸਥਿਤ ਘਰ ਤੋਂ ਵੀ ਤਿੰਨ ਬੈਗ ਬਰਾਮਦ ਹੋਏ ਹਨ। ਹਾਲਾਂਕਿ ਇਸ ‘ਚ ਕੀ ਹੈ, ਇਸ ਦੀ ਜਾਣਕਾਰੀ ਅਜੇ ਨਹੀਂ ਦਿੱਤੀ ਗਈ ਹੈ।
ਇਨਕਮ ਟੈਕਸ ਟੀਮ ਨੇ ਧੀਰਜ ਸਾਹੂ ਦੇ ਰਾਂਚੀ ਸਥਿਤ ਘਰ ’ਤੇ ਕੁਝ ਪ੍ਰਿੰਟਰ ਅਤੇ ਜ਼ੇਰੋਕਸ ਪੇਪਰ ਮੰਗਵਾਏ ਹਨ। ਨਾਲ ਹੀ ਤੁਰੰਤ ਇੱਕ ਇਨੋਵਾ ਗੱਡੀ ਉੱਥੇ ਦਾਖਲ ਹੋਈ, ਜਿਸ ਦਾ ਨੰਬਰ (ਓਆਰ 14ਐਕਸ 6030) ਹੈ। ਪਹਿਲਾਂ ਕਾਰ ਵਿੱਚੋਂ ਦੋ ਬੈਗ ਕੱਢੇ ਗਏ, ਫਿਰ ਅੰਦਰੋਂ ਭਰ ਕੇ ਲਿਆਂਦਾ ਗਿਆ। ਇਸ ਤੋਂ ਪਹਿਲਾਂ ਧੀਰਜ ਸਾਹੂ ਦੀ ਲੋਹਰਦਗਾ ਸਥਿਤ ਰਿਹਾਇਸ਼ ‘ਤੇ ਆਈਟੀ ਨੇ ਛਾਪੇਮਾਰੀ ਕੀਤੀ ਸੀ, ਜੋ ਖਤਮ ਹੋ ਗਈ ਹੈ। ਆਈਟੀ ਟੀਮ ਛਾਪੇਮਾਰੀ ਪੂਰੀ ਕਰਕੇ ਵਾਪਸ ਪਰਤ ਗਈ ਹੈ। ਇਸ ਦੌਰਾਨ ਆਈਟੀ ਟੀਮ ਧੀਰਜ ਸਾਹੂ ਦੇ ਲੋਹਰਦਗਾ ਸਥਿਤ ਘਰ ਤੋਂ ਕਈ ਬੈਗ ਆਪਣੇ ਨਾਲ ਲੈ ਕੇ ਰਵਾਨਾ ਹੋਈ। ਦੱਸਿਆ ਜਾ ਰਿਹਾ ਹੈ ਕਿ ਉਸ ਬੈਗ ‘ਚ ਨਕਦੀ ਅਤੇ ਕਈ ਜ਼ਰੂਰੀ ਦਸਤਾਵੇਜ਼ ਸਨ। ਹਾਲਾਂਕਿ, ਓਡੀਸ਼ਾ ਵਿੱਚ ਆਈਟੀ ਕਾਰਵਾਈ ਅਜੇ ਵੀ ਜਾਰੀ ਹੈ। ਨੋਟਾਂ ਦੀ ਗਿਣਤੀ ਜਾਰੀ ਹੈ।
ਜ਼ਿਕਰਯੋਗ ਹੈ ਕਿ ਆਈਟੀ ਟੀਮ ਨੇ ਬੁੱਧਵਾਰ ਸਵੇਰੇ ਝਾਰਖੰਡ, ਓਡੀਸ਼ਾ ਅਤੇ ਬੰਗਾਲ ‘ਚ ਰਾਜ ਸਭਾ ਮੈਂਬਰ ਧੀਰਜ ਸਾਹੂ ਨਾਲ ਸਬੰਧਤ ਕੰਪਨੀਆਂ ਦੇ 10 ਟਿਕਾਣਿਆਂ ‘ਤੇ ਛਾਪੇਮਾਰੀ ਸ਼ੁਰੂ ਕੀਤੀ ਸੀ। ਆਈਟੀ ਟੀਮ ਨੇ ਮਸ਼ੀਨਾਂ ਦੀ ਵਰਤੋਂ ਕਰਕੇ ਨੋਟਾਂ ਦੀ ਗਿਣਤੀ ਕੀਤੀ ਅਤੇ ਉਨ੍ਹਾਂ ਨੂੰ 157 ਬੈਗਾਂ ਵਿੱਚ ਪੈਕ ਕਰਕੇ, ਇੱਕ ਟਰੱਕ ਵਿੱਚ ਲੱਦ ਕੇ ਬੈਂਕ ਵਿੱਚ ਪਹੁੰਚਾਇਆ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
