ਮੁੰਬਈ, 28 ਸਤੰਬਰ (ਹਿ. ਸ.)। ਪਾਕਿਸਤਾਨੀ ਅੱਤਵਾਦੀਆਂ ਨੇ 18 ਸਤੰਬਰ 2016 ਨੂੰ ਉਰੀ ’ਚ ਭਾਰਤੀ ਫੌਜ ਦੇ ਸਥਾਨਕ ਹੈੱਡਕੁਆਰਟਰ ’ਤੇ ਹਮਲਾ ਕਰਕੇ ਭਾਰਤ ਸਰਕਾਰ ਨੂੰ ਖੁੱਲ੍ਹੀ ਚੁਣੌਤੀ ਦਿੱਤੀ ਸੀ। ਇਸ ਹਮਲੇ ਵਿੱਚ ਭਾਰਤੀ ਫੌਜ ਦੇ 18 ਜਵਾਨ ਸ਼ਹੀਦ ਹੋ ਗਏ ਸਨ। ਇਹ ਭਾਰਤੀ ਫੌਜ ’ਤੇ ਹੋਏ ਸਭ ਤੋਂ ਵੱਡੇ ਹਮਲਿਆਂ ਵਿੱਚੋਂ ਇਕ ਹੈ।ਹਮਲੇ ਤੋਂ ਦੁਖੀ ਨਰਿੰਦਰ ਮੋਦੀ ਸਰਕਾਰ ਨੇ ਸਰਹੱਦ ਪਾਰ ਬੈਠੇ ਅੱਤਵਾਦੀਆਂ ਨੂੰ ਸਬਕ ਸਿਖਾਉਣ ਦਾ ਸੰਕਲਪ ਲਿਆ ਹੈ। ਅਜਿਹਾ ਸਬਕ ਜਿਸ ਬਾਰੇ ਪਾਕਿਸਤਾਨ ਨੂੰ ਵੀ ਕੋਈ ਅੰਦਾਜਾ ਜਾ ਹੋਵੇ। ਪਾਕਿਸਤਾਨ ਦੀ ਤਮਾਮ ਚੌਕਸੀ ਦੇ ਬਾਵਜੂਦ ਭਾਰਤੀ ਜਵਾਨਾਂ ਦੀ ਬਹਾਦਰੀ ਸਦਕਾ ਇਹ ਸੰਕਲਪ ਆਖ਼ਰਕਾਰ ਸੱਚ ਹੋਇਆ। 28-29 ਸਤੰਬਰ ਦੀ ਦਰਮਿਆਨੀ ਰਾਤ ਨੂੰ ਇਨ੍ਹਾਂ ਫ਼ੌਜੀਆਂ ਨੇ ਸਰਜੀਕਲ ਸਟ੍ਰਾਈਕ ਨੂੰ ਅੰਜਾਮ ਦਿੱਤਾ। ਭਾਰਤੀ ਜਵਾਨਾਂ ਨੇ ਪੀਓਕੇ ਦੇ ਤਿੰਨ ਕਿਲੋਮੀਟਰ ਦੇ ਅੰਦਰ ਜਾ ਕੇ ਅੱਤਵਾਦੀ ਕੈਂਪਾਂ ਨੂੰ ਤਬਾਹ ਕਰ ਦਿੱਤਾ। ਰਾਤ 12:30 ਵਜੇ ਸ਼ੁਰੂ ਹੋਇਆ ਇਹ ਆਪ੍ਰੇਸ਼ਨ ਸਵੇਰੇ 04 ਵਜੇ ਪੂਰੀ ਸਫਲਤਾ ਨਾਲ ਸਮਾਪਤ ਹੋ ਗਿਆ। ਦਿੱਲੀ ਸਥਿਤ ਆਰਮੀ ਹੈੱਡਕੁਆਰਟਰ ਤੋਂ ਇਸ ਪੂਰੇ ਆਪ੍ਰੇਸ਼ਨ ’ਤੇ ਰਾਤ ਭਰ ਨਜ਼ਰ ਰੱਖੀ ਗਈ।
ਮਹੱਤਵਪੂਰਨ ਘਟਨਾਵਾਂ
1650: ਇੰਗਲੈਂਡ ਵਿੱਚ ਪਹਿਲਾ ਮੈਰਿਜ ਬਿਊਰੋ ਖੋਲ੍ਹਿਆ ਗਿਆ।
1836: ਮਦਰਾਸ ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੀ ਸਥਾਪਨਾ।
1911: ਇਟਲੀ ਨੇ ਓਟੋਮਨ ਸਾਮਰਾਜ ਵਿਰੁੱਧ ਜੰਗ ਦਾ ਐਲਾਨ ਕੀਤਾ।
1915: ਟੈਲੀਫੋਨ ਰਾਹੀਂ ਪਹਿਲਾ ਅੰਤਰ-ਮਹਾਂਦੀਪੀ ਸੰਦੇਸ਼ ਭੇਜਿਆ ਗਿਆ।
1927: ਅਮਰੀਕਾ ਅਤੇ ਮੈਕਸੀਕੋ ਦਰਮਿਆਨ ਟੈਲੀਫੋਨ ਸੇਵਾ ਦੀ ਸ਼ੁਰੂਆਤ।
1959: ਆਰਤੀ ਸਾਹਾ ਨੇ ਇੰਗਲਿਸ਼ ਚੈਨਲ ਪਾਰ ਕੀਤਾ।
1962: ਕੋਲਕਾਤਾ ਵਿੱਚ ਬਿਰਲਾ ਪਲੈਨੀਟੇਰੀਅਮ ਖੋਲ੍ਹਿਆ ਗਿਆ।
1978: ਪੋਪ ਜੌਨ ਪਾਲ ਪਹਿਲੇ ਦੀ ਰਹੱਸਮਈ ਹਾਲਤਾਂ ਵਿੱਚ ਮੌਤ। ਉਹ ਸਿਰਫ਼ 33 ਦਿਨ ਪਹਿਲਾਂ ਹੀ ਪੋਪ ਚੁਣੇ ਗਏ ਸਨ।
ਜਨਮ
1901: ਵਿਸ਼ਵ ਪ੍ਰਸਿੱਧ ਭੌਤਿਕ ਵਿਗਿਆਨੀ ਐਨਰੀਕੋ ਫਰਨੀ।
1928: ਭਾਰਤ ਦੇ ਪਹਿਲੇ ਰਾਸ਼ਟਰੀ ਸੁਰੱਖਿਆ ਸਲਾਹਕਾਰ ਬ੍ਰਿਜੇਸ਼ ਮਿਸ਼ਰਾ।
1932: ਅਭਿਨੇਤਾ, ਨਿਰਮਾਤਾ-ਨਿਰਦੇਸ਼ਕ ਮਹਿਮੂਦ ਅਲੀ।
ਦਿਹਾਂਤ
1913: ਰੁਡੋਲਫ ਡੀਜ਼ਲ, ਜਿਨ੍ਹਾਂ ਨੇ ਡੀਜ਼ਲ ਇੰਜਣ ਦੀ ਕਾਢ ਕੱਢੀ।
1942: ਮਸ਼ਹੂਰ ਔਰਤ ਕ੍ਰਾਂਤੀਕਾਰੀ ਮਾਤੰਗਨੀ ਹਜ਼ਾਰਾ।
1944: ਪੱਛਮੀ ਬੰਗਾਲ ਦੇ ਪ੍ਰਸਿੱਧ ਕ੍ਰਾਂਤੀਕਾਰੀ ਗੋਪਾਲ ਸੇਨ।
2004: ਮਸ਼ਹੂਰ ਮਲਿਆਲਮ ਕਵੀ ਬਾਲਮਣੀ ਅੰਮਾ।
2017: ਭਾਰਤੀ ਸਿਨੇਮਾ ਅਦਾਕਾਰ ਟੌਮ ਅਲਟਰ।
ਹਿੰਦੂਸਥਾਨ ਸਮਾਚਾਰ/ਸੁਰਿੰਦਰ/ਸੰਜੀਵ
