ଭବାନୀପାଟଣାରେ ଜିଲ୍ଲା ସ୍ତରୀୟ ପଂଚାୟତ ରାଜ ଓ ଲୋକ ସେବା ଦିବସ ପାଳିତ

ଭବାନୀପାଟଣା , ମହାନ୍ ଜନନାୟକ ପ୍ରବାଦ ପୁରୁଷ ପୁର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ଜୟନ୍ତୀ ପାଳନ ଅବସରରେ ଆଜି ସ୍ଥାନୀୟ ଟାଉନ ହଲ ଠାରେ ଜିଲ୍ଲା ସ୍ତରୀୟ ପଞ୍ଚାୟତିରାଜ ଓ ଲୋକସେବା ଦିବସ ପାଳନ ହୋଇଯାଇଛି ।ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର କୁମାର ସିଂଦେଓ ମୁଖ୍ୟ ଅତିଥି ରୂପେ ଯୋଗ ଦେଇ ସ୍ୱର୍ଗତ ବିଜୁ ପଟ୍ଟନାୟକ ଙ୍କ ଫଟୋଚିତ୍ର ରେ ପୁଷ୍ପମାଲ୍ୟ ଅର୍ପଣ ଓ ପ୍ରଦୀପ ପ୍ରଜ୍ୱଳନ କରିଥିଲେ । ବିଶିଷ୍ଟ ଅତିଥି ଭାବେ ଜିଲ୍ଲାପାଳ ପି ଅନ୍ୱେଷା ରେଡ୍ଡୀ, ସମ୍ମାନୀତ ଅତିଥି ରୂପେ ସି ଡି ଓ ଜିଲ୍ଲାପରିଷଦ ମଧୁ ଛନ୍ଦା ସାହୁ, ଜିଲ୍ଲାପରିଷଦ ଉପାଧ୍ୟକ୍ଷ ସୁଧିରା ମେହେର, ଅତିରିକ୍ତ ନିର୍ବାହୀ ଅଧିକାରୀ ଜିଲ୍ଲାପରିଷଦ ଦିଲ୍ଲୀପ ମହାରଣା ପ୍ରମୁଖ ଯୋଗ ଦେଇଥିଲେ । ବକ୍ତାଗଣ ବିଜୁ ପଟ୍ଟନାୟକଙ୍କ କର୍ମମୟ ଜୀବନ, ବ୍ୟକ୍ତିତ୍ୱ,ସାହସ,ସମୃଦ୍ଧ ଓଡିଶାର ବିନ୍ଧାଣୀ ଓ ବିଭିନ୍ନ ଦୃଢ଼ ଭିତ୍ତିଭୂମି ତଥା ବିକାଶର ରଚୟିତା,ଜିଲ୍ଲା ପୁନଃଗଠନ ,ନାରୀ ସଶକ୍ତିକରଣ, ପଞ୍ଚାୟତିରାଜ ବ୍ୟବସ୍ଥା ରେ ମହିଳାଙ୍କ ଏକ ତୃତୀୟାଂଶ ଆସନ ସଂରକ୍ଷଣ ଉପରେ ନିଜର ମତାମତ ଦେଇଥିଲେ ।ଏହି ଅବସରରେ ପଞ୍ଚାୟତସ୍ତରରେ ବିଭିନ୍ନ ଯୋଜନା ର ସଫଳ ରୂପାୟନ ପୁସ୍ତିକା ରେ ପ୍ରଥମ କଲମପୁର ପଞ୍ଚାୟତ ,ଦ୍ୱିତୀୟ ଗୋଲାମୁଣ୍ଡା ପଞ୍ଚାୟତଏବଂ ଲାଞ୍ଜିଗଡ ବ୍ଲକ ର ତ୍ରିଲୋଚନପୁର ପଞ୍ଚାୟତ,ତୃତୀୟ ପୁରସ୍କାର ରୂପେ ଜୁନାଗଡ ବ୍ଲକ ର ହାବସପୁର ପଞ୍ଚାୟତ, ନର୍ଲା ପଞ୍ଚାୟତ ଓ କୋକସରା ପଞ୍ଚାୟତ ର ସରପଞ୍ଚ, ନାଏବ ସରପଞ୍ଚ ଓ ପଂଚାୟତ ଅଧିକାରୀ ପୂରସ୍କାର ସର୍ଟିଫିକେଟ୍ ଗ୍ରହଣ କରିଥିଲେ ।ସେଭଳି ବ୍ଲକ୍ ସ୍ତରରେ ବିଭିନ୍ନ ଯୋଜନା ର ଭି ଡି ଓ ଡକ୍ୟୁମେଣ୍ଟଟେସନ ରେ ପ୍ରଥମ ଭବାନୀପାଟଣା ବ୍ଲକ୍, ଦ୍ୱିତୀୟ ଜୟପାଟଣା ଓ ଲାଞ୍ଜିଗଡ, ତୃତୀୟ କେସିଙ୍ଗା ଓ ଧର୍ମଗଡ ବ୍ଲକ୍ ର ପୁରସ୍କାର ସଂପୃକ୍ତ ବ୍ଲକ ଅଧ୍ୟକ୍ଷ,ବି ଡି ଓ ଗଣ ଗ୍ରହଣ କରିଥିଲେ । ରାଜ୍ୟ ସ୍ତରୀୟ ବିଜୁ ପଟ୍ଟନାୟକ ପଞ୍ଚାୟତ ସଶକ୍ତିକରଣ ପୁରସ୍କାର ରୂପେ ଜିଲ୍ଲାର ପ୍ରଥମ ପୁରସ୍କାର ଲାଞ୍ଜିଗଡ ବ୍ଲକ୍ ର ଜଗନ୍ନାଥପୁର ପଞ୍ଚାୟତ ୧,୫୦,୦୦୦ ଟଙ୍କା, ଦ୍ୱିତୀୟ ଜୟପାଟଣା ବ୍ଲକ ର ସର୍ଗିଗୁଡ଼ା ପଞ୍ଚାୟତ ୧,୨୫,୦୦୦ ଟଙ୍କା, ତୃତୀୟ ଜୁନାଗଡ ବ୍ଲକ ର ଚିଚେଗୁଡା ପଞ୍ଚାୟତ ୧,୦୦,୦୦୦ ଟଙ୍କା ଓ ସାର୍ଟିଫିକେଟ ସଂପୃକ୍ତ ସରପଞ୍ଚ ଗ୍ରହଣ କରିଥିଲେ । ମହିଳା ଓ ଶିଶୁ ବିକାଶ ବିଭାଗ ଦ୍ୱାରା ପୋଷଣ ଅଭିଯାନ ପୁରସ୍କାରରେ କଲମପୁର ପୁଷ୍ଟି ପଞ୍ଚାୟତ ରୂପେ ୫୦,୦୦୦ ଟଙ୍କା, ସେଭଳି ପ୍ରଥମ ପୁରସ୍କାର ରୂପେ ନର୍ଲା ର ସାନ୍ତପୁର ଅଙ୍ଗନବାଡ଼ି କେନ୍ଦ୍ର ୨୦,୦୦୦ ଟଙ୍କା, ଦ୍ୱିତୀୟ ରୂପେ ଜୁନାଗଡ ବ୍ଲକ ର ନକଟିଗୁଡା ଅଙ୍ଗନବାଡ଼ି କେନ୍ଦ୍ର ୧୫,୦୦୦ ଟଙ୍କା,ତୃତୀୟ ନର୍ଲା ବ୍ଲକର ଯୁରକାଭଟା ଅଙ୍ଗନବାଡ଼ି କେନ୍ଦ୍ର ୧୦,୦୦୦ ଟଙ୍କା ଓ ସାର୍ଟୀ ଫିକେଟ ଗ୍ରହଣ କରିଥିଲେ । ସଭାଟିକୁ ଜିଲ୍ଲା ପଞ୍ଚାୟତ ଅଧିକାରୀ ନୃସିଂହ ଚରଣ ପଟ୍ଟନାୟକ ପରିଚାଳନା କରିଥିଲେ ।ସଭାରେ ସଂପୃକ୍ତ ବ୍ଲକର ଜନ ପ୍ରତିନିଧି,ପଞ୍ଚାୟତ ସଭ୍ୟ ,ଜିଲ୍ଲା ସ୍ତରୀୟ ଅଧିକାରୀ ଉପସ୍ଥିତ ଥିଲେ ।