ଆଜି ମଧ୍ୟ ଲୋକ ଜୀବନରେ ସମାହିତ ଅଛି ପ୍ରଭୁ ଶ୍ରୀରାମଙ୍କ ଆଦର୍ଶ
ଅଯୋଧ୍ୟା, ୨୪ ଡିସେମ୍ବର (ହି.ସ.) – ରାଷ୍ଟ୍ରୀୟ ସ୍ୱୟଂସେବକ ସଂଘର ସରକାର୍ଯ୍ୟବାହ ଡା. କୃଷ୍ଣଗୋପାଳ ଶନିବାର ଦିନ ଶ୍ରୀ ମଣିରାମ ଦାସ ଛାବନୀସ୍ଥିତ ଶ୍ରୀରାମ ସତ୍ସଙ୍ଗଭବନରେ ତିନି ଦିବସୀୟ ଅଯୋଧ୍ୟା ଉତ୍ସବର ଉଦ୍ଘାଟନ କରିଛନ୍ତି । ଏହି ଅବସରରେ ଡକ୍ଟର କୃଷ୍ଣଗୋପାଳ କହିଛନ୍ତି ଯେ, ଆମେ ସମସ୍ତେ ଖୁସିର ବାତାବରଣରେ ଅଛୁ । ଆମେ ବର୍ଷ ବର୍ଷ ଧରି ଏହି ମୁହୂର୍ତକୁ ଅପେକ୍ଷା କରିଥିଲୁ । ମର୍ଯ୍ୟାଦା ପୁରଷୋତମ ଶ୍ରୀରାମ ମନ୍ଦିର ନିର୍ମାଣ କରାଯାଉଛି । ମନ୍ଦିର ଉଦ୍ଘାଟନ ତାରିଖ ୨୨ ଜାନୁୟାରୀ ୨୦୨୪ରେ ସ୍ଥିର ହୋଇଛି । ସମଗ୍ର ବିଶ୍ୱରେ ହିନ୍ଦୁ ସମାଜ ଉତ୍ସାହିତଏବଂ ଖୁସି ଅଛନ୍ତି ।
ବହୁଭାଷୀ ନ୍ୟୁଜ ଏଜେନସି ହିନ୍ଦୁସ୍ଥାନ ସମାଚାର ଅଧିନରେ ଆୟୋଜିତ ଏକ କାର୍ଯ୍ୟକ୍ରମରେ ଡକ୍ଟର କୃଷ୍ଣ ଗୋପାଳ କହିଛନ୍ତି ଯେ, ଗତ ହଜାରେ ବର୍ଷ ମଧ୍ୟରେ ମନ୍ଦ ପ୍ରବୃତି ଥିବା କିଛି ଲୋକ ଏଠାରେ ଥିବା ମନ୍ଦିର ଗୁଡ଼ିକୁ ନଷ୍ଟ କରିଦେଇଛନ୍ତି । ହିନ୍ଦୁମାନଙ୍କ ଉପରେ ଅତ୍ୟାଚାର ସେମାନଙ୍କ ଶିଖରରେ ପହଂଚିଥିଲା, କିନ୍ତୁ ହିନ୍ଦୁ ସମାଜ ରାମଙ୍କ ସାହାଯ୍ୟରେ ଯୁଦ୍ଧ ଜାରି ରଖିଥିଲେ । ହିନ୍ଦୁ ମାନଙ୍କୁ ଇସଲାମ ଗ୍ରହଣ କରିବା ପାଇଁ ବାଧ୍ୟ କରାଯାଉଥିଲା । ତୀର୍ଥ ଯାତ୍ରା ଉପରେ ଟିକସ ଲଗାଯାଇଥିଲା । କିନ୍ତୁ ଧର୍ମକୁ ବଂଚାଇ ରଖିବା ପାଇଁ ଉଦ୍ୟମ କରିବାକୁ ପଡ଼ିଲା । ଲୋକମାନେ ମନ୍ଦିର ଛାଡ଼ି ନିଜ ଘରେ ସୀମିତ ରହିଥିଲେ ଏବଂ ସମସ୍ତଙ୍କୁ ଏପରି କଷ୍ଟଦାୟକ ପରିସ୍ଥିତିରୁ ବାହାର କରିଥିବା ବ୍ୟକ୍ତିଙ୍କ ନାମ ହେଉଛି ଶ୍ରୀରାମ ।
ରାଷ୍ଟ୍ରୀୟ ସ୍ୱୟଂସେବକ ସଂଘର ସହ ସରକାର୍ଯ୍ୟବାହ ଡା. କୃଷ୍ଣଗୋପାଳ କହିଛନ୍ତି ଯେ ରାମଙ୍କ ଆଦର୍ଶ ଲୋକମାନେ ସ୍ୱୀକାର କରିଛନ୍ତି । ରାମ ଯେପରି ଭାଇର କାମନା ଜାଣିପାରନ୍ତି । ପ୍ରଭୁ ଶ୍ରୀରାମଙ୍କ ପରି ଏକ ପତ୍ନୀବ୍ରତିଙ୍କୁ ଆଦର୍ଶ ମାନିବାକୁ ଲାଗୁଛି । ଏପରିକି ସର୍ବାଧିକ ସହର ନାମରେ ରାମ ଉପରେ ଆସିଛନ୍ତି । କଥା, କାହାଣୀ, ନାଟକରେ ମଧ୍ୟ ରାମ, ଲୋକ-ରଞ୍ଜନରେ ବ୍ୟାପ୍ତ ହୋଇଛନ୍ତି । ରାମ, ଧର୍ମର ଜ୍ଞାତା ରୂପେ ବିଖ୍ୟାତ ଏବଂ ସାକ୍ଷାତ ବିଗ୍ରହମାନ ହୋଇଛନ୍ତି । ଡା. କୃଷ୍ଣଗୋପାଳ କହିଛନ୍ତି ଯେ ଭଗବାନ ଶ୍ରୀରାମ ୧୪ବର୍ଷର ଅଳ୍ପାୟୁରେ ପୃଥିବୀକୁ ରାକ୍ଷସ ବିହିନ କରିବାକୁ ପ୍ରତିଜ୍ଞା ନେଇଛନ୍ତି । ରାଜ୍ୟାଭିଷେକର ଖୁସିର ବିଶାଳତାର କୌଣସି ପରୱା ନାହିଁ । ଏହା କେବଳ ରାମ କରିପାରନ୍ତି । ଜଟାୟୁର ଆଦର୍ଶ କହେ ଯେ କୌଣସି ମହିଳାଙ୍କ ସମ୍ମାନ ପାଇଁ ଲଢ଼ିବା ଦରକାର ନା କି ଏହାକୁ ଛାଡ଼ି ପଳାଇଯିବା ଦରକାର ।
ଡା. କୃଷ୍ଣଗୋପାଳ କହିଛନ୍ତି ଯେ ଶ୍ରୀରାମ ମାନବ ଜାତି ନୁହେଁ ସୃଷ୍ଟିକୁ ମିତ୍ରତା ଏବଂ ବଚନ ନିଭାଇବାର ପାଠ ପଢ଼ାଇଛନ୍ତି । ସୁଗ୍ରିବକୁ ରାଜ୍ୟ ଦେଇ ନିଜ କଥାର ପାଳନ କରିଥିଲେ ତ ଲକ୍ଷ୍ମଣଙ୍କ ସହିତ ସୁଗ୍ରିବଙ୍କ ରାଜ୍ୟାଭିଷେକ କରାଇ ୧୪ବର୍ଷ ପର୍ଯ୍ୟନ୍ତ ବନଗମନର ଦିଆଯାଇଥିବା ବଚନ ମଧ୍ୟ ପାଳନ କରିଥିଲେ । ରାମ ଏହି ୧୪ବର୍ଷରେ କେତେବେଳେ କୌଣସି ନଗରରେ ପ୍ରବେଶ କରିନଥିଲେ । ବିଭିଷଣ ସହିତ ମଧ୍ୟ କିଛି ଏପରି ବ୍ୟବହାର ଆଗକୁ ଆସିଛି । ଭାରତରେ ଆଜି ମଧ୍ୟ ବିଭିଷଣଙ୍କ ଅତିଥି ସତ୍କାରକୁ ମାନାଯାଏ । ଏଠାର ଲୋକଭାବରେ ଆଜି ମଧ୍ୟ ଏହି ଦୃଷ୍ଟବ୍ୟ ଅଛି । ପାରସୀ ଲୋକ ଅତିଥି ରୂପେ ଭାରତକୁ ଆସି ଏଠାରେ ଆଦରଣୀୟ ହୋଇଗଲେ । ଆଜି କୌଣସି ଦେଶର ଲୋକଙ୍କୁ ଭାରତରେ ସମ୍ମାନ ଦିଆଯାଏ । ସମ୍ମାନ ଦେବାର ଏହି ଦର୍ଶନ ମଧ୍ୟ ପ୍ରଭୁ ଶ୍ରୀରାମ ସ୍ଥାପନ କରିଥିଲେ ।
ସଂସ୍କାର ମଧ୍ୟ ରାମଙ୍କ ଦାନ
ସହ ସରକାର୍ଯ୍ୟବାହ ଡା. କୃଷ୍ଣଗୋପାଳ କହିଛନ୍ତି ଯେ ରାମ ନିଜ ଆଦର୍ଶ କାରଣରୁ ଜନମନରେ ରହିଛନ୍ତି । ରାମ-ରାବଣ ଯୁଦ୍ଧ ସମୟରେ ରାବଣ ମୃତ୍ୟୁବରଣ କରିଛି । ବିଭିଷଣ ଅନ୍ତିମ ସଂସ୍କାରକୁ ପ୍ରସ୍ତୁତ ନଥିଲେ, କିନ୍ତୁ ପ୍ରଭୁ ଶ୍ରୀରାମ ବୁଝାଇବା ପରେ ଶତ୍ରୁତା ଶେଷ ହୁଏ ଏବଂ ବିଭୀଷଣ ଅନ୍ତିମ ସଂସ୍କାର ପାଇଁ ପ୍ରସ୍ତୁତ ହୋଇଥିଲେ । ଆଜି ମଧ୍ୟ ଏହା ଭାରତୀୟ ସମାଜରେ ସ୍ଥାପିତ ଅଛି । ଯାହାର ସମ୍ବନ୍ଧ ବିଗିଡ଼େ ସେ ମଧ୍ୟ କାହାର ମୃତ୍ୟୁ ପରେ ନିଜର ଶତ୍ରୁତା ଶେଷ କରିବାକୁ ଏହି ଦୁଃଖର ସମୟରେ ତା’ର ଘରକୁ ଯାଆନ୍ତି ।
ଲୋଭ ତ୍ୟାଗ କରିବାକୁ ଶିଖାଏ
ରାମ ଭାରତୀୟ ସମାଜକୁ ଲୋଭ ନକରିବାକୁ ଶିଖାଏ । ସୁନା ଲଙ୍କାକୁ ଦେଇ ମଧ୍ୟ ତାଙ୍କର ମନରେ ଲୋଭ ନଆସିବା ଏହାର ଜିତା ଲାଗିବା ଉଦାହରଣ । ସେ ସମାଜକୁ ଆଦର୍ଶ ଦେଇଛି ଅନ୍ୟର ସୁନା ମଧ୍ୟ ଆମ ପାଇଁ ମାଟି ।
ମନ୍ଦିର ଭଙ୍ଗାଗଲା, କିନ୍ତୁ ଲୋକମନରୁ ବାହାରି ପାରିଲେ ନାହିଁ ରାମ
ସେ କହିଛନ୍ତି ଯେ ଆତତାୟୀମାନେ ଭାରତର ଅନେକ ମଠ-ମନ୍ଦିରକୁ ନଷ୍ଟ କରିଥିଲେ, କିନ୍ତୁ ଭାରତର ଜନ ଜନ ମଧ୍ୟରେ ସ୍ଥାପିତ ଶ୍ରୀରାମଙ୍କ ଆଦର୍ଶ କାରଣରୁ ତାଙ୍କୁ କାହାର ମନରୁ ବାହାରି ପାରିନାହିଁ । ଏହାର ପରିଣାମ ଯେ ଆମ ଆଜି ପ୍ରାୟ ୫୦୦ ବର୍ଷର ଲମ୍ବା ଯାତ୍ରା ପରେ ଶ୍ରୀରାମ ମନ୍ଦିର ବନାଉଛନ୍ତି । ଏବେ ସମସ୍ତ ବ୍ୟକ୍ତିଙ୍କ ଆଧ୍ୟାତ୍ମିକ ଭାବକୁ ପୁନର୍ଜିବିତ କରାଯାଇପାରେ । ବିଶ୍ୱକୁ ଏକ ନୂଆ ଦିଗ ଦେଇପାରିବେ । ରାମଙ୍କ ଦର୍ଶନ ମଧ୍ୟ ଏହା । ସମସ୍ତଙ୍କ ସୁଖର ମଙ୍ଗଳ ମନାକରିବା । ପ୍ରଭୁ ଶ୍ରୀରାମଙ୍କ ଏହି ମନ୍ଦିର ଏହି ସମସ୍ତ ଭାବନାକୁ ପ୍ରତୀକ ଅଟେ ।
ହିନ୍ଦୁସ୍ଥାନ ସମାଚାର / ବନ୍ଦନା
