हैदराबाद, 21 अक्टोबर। हैदराबाद क्रिकेट एसोसिएशन (एचसीए) को छ पद- अध्यक्ष, उपाध्यक्ष, सचिव, संयुक्त सचिव, कोषाध्यक्ष र पार्षदको निम्ति शुक्रवार चुनाउ सम्पन्न भएपछि जगनमोहन रावलाई एचसीएको नयॉं अध्यक्ष चुनिएको छ।
यस बिच दलजीत सिंह उपाध्यक्ष पद, देवराज सचिव र बसवराजू एचसीएको संयुक्त सचिव पदमा निर्वाचित भएका छन्। यसरी नै कोषाध्यक्ष पदमा सीजे श्रीनिवास राव र पार्षद पदमा सुनील अग्रवालले जित हासिल गरेको छ।
परिणाम घोषित भएपछि मानिसहरूले पटेका पड्काएर खुशी बनाए भने निर्वाचित पदाधिकारीहरूलाई बधाई एवं शुभकामना पनि दिए। एचसीए चुनाउमा 170 भन्दा धेरैले आफ्नो मताधिकारको प्रयोग गरेका थिए। मतदान शुक्रवार दिउॅंसो तीन बजी समाप्त भएको थियो।
भारतीय क्रिकेट टीमका पूर्व कप्तान र एचसीएका पूर्व अध्यक्ष मोहम्मद अजहरूद्दीनसहित प्रसिद्ध व्यक्तित्वहरूले आफ्नो मताधिकार प्रयोग गरेका थिए। एचसीएको चुनाउ सेप्टेम्बर 2022 मा हुनु थियो, तर यसका पूर्व अध्यक्ष अजहरुद्दीनद्वारा अनियमितता र भ्रष्टाचारको आरोपहरू पछि यसलाई स्थगित गरिएको थियो।
मामिला सुप्रीम कोर्टमा पुग्यो र देशको शीर्ष अदालतले यस मुद्दालाई सम्बोधित गर्न न्यायमूर्ति (सेवानिवृत्त) लाउ नागेश्वर रावको अध्यक्षतामा एक सदस्यीय समिति नियुक्त गरियो। यस महिनाको शुरूवातमा भारतीय क्रिकेट टीमका पूर्व कप्तानले नियमहरूको उल्लंघन गर्दै एक साथ दुई पद ग्रहण गरेकोमा दोषी पाएपछि अयोग्य घोषित गरिदिएको थियो। उनी एक समयमा एचसी र डेक्कन ब्लू क्रिकेट क्लबका अध्यक्ष थिए।
