हावड़ा, 07 नोभेम्बर (हि.स.)। पान र सुपारी बोकेको एउटा वाहन अनियन्त्रित भएर पल्टिॅंदा एक व्यक्तिको मृत्यु भएको छ भने 11 जना घाइते भएका छन्। घटना मंगलवार बिहान हावड़ा जिल्ला अन्तर्गत सलोप क्षेत्रको राष्ट्रिय राजमार्गको हो।
पुलिस सूत्रहरू अनुसार, व्यवसायीहरूका एक समूह मेचेदाबाट पान किनेर कारमा कोलकाता आइरहेका थिए। राष्ट्रिय राजमार्गमा वाहनको टायर फाट्दा वाहन अनियन्त्रित बनेर पल्टियो। वाहनमा राखिएका पान र सुपारी सबै सड़कमा छरपस्ट भए।
जानकारी अनुसार, वाहनमा 12 जना थिए जसमध्ये एक व्यक्तिको मृत्यु भएको छ। घटनापछि स्थानीय मानिसहरूले बचाउ कार्य शुरू गरे र घटनाको सूचना पुलिसलाई दिए। पुलिस घटनास्थलमा पुगेर घाइतेहरूलाई अस्पताल पुऱ्याए, जहॉं घाइतेहरूको उपचार चलिरहेको छ।
हिन्दुस्थान समाचार/भवानी
