गान्तोक, 12 अगस्त (हि.स.)। मुख्यमन्त्री प्रेमसिंह तामाङले अन्तरराष्ट्रिय युवा दिवसको अवसरमा सम्पूर्ण युवाहरूमा हार्दिक बधाई एवं शुभकामना व्यक्त गरेका छन्। उनले यस अन्तरराष्ट्रिय युवा दिवसमा हामी विश्वभरका युवाहरूको ऊर्जा, रचनात्मकता र लचिलोपनको उत्सव मनाउँछौं भनी बताएका छन्। उनले हाम्रा युवाहरू भोलिका नेता मात्र होइनन्, तिनीहरू आजका परिवर्तनकर्ता पनि रहेको आज सामाजिक सञ्जालमा जारी सन्देशमा बताएका छन्।
मुख्यमन्त्रीले भने, ‘हामी उनीहरूलाई न्यायपूर्ण, समावेशी र दिगो भविष्य निर्माण गर्न सही शिक्षा, अवसर र समर्थनले सशक्त बनाऔं। उनीहरूको आवाजको महत्व छ। उनीहरूको सपनाको महत्व छ। सँगै, यस्तो संसार निर्माण गरौं जहाँ प्रत्येक युवा फस्टाउन सकोस्।’
हिन्दुस्थान समाचार / बिशाल
