कोलकाता, 15 जनवरी (हि.स.)। दक्षिण 24 परगनास्थित गंगासागर तटमा एकातिर सोमवार लाखौं पुण्यार्थीहरूले आस्थाको डुबकी लगाए भने अर्कोतिर, जाडोबाट छुटकारा पाउन शुरू भएको छ। मौसम विभागले सोमवार जारी गरेको बयान अनुसार, गत 24 घण्टामा पश्चिम बंगालको तापक्रममा 1.5 डिग्री सेल्सियसको वृद्धि भएको छ।
आइतवार न्यूनतम तापक्रम 12.5 डिग्री सेल्सियस छेउ थियो भने सोमवार तापक्रम 13.9 डिग्री सेल्सियस पुगेको छ। अधिकतम तापक्रम पनि 22.5 डिग्री सेल्सियस छ।
दक्षिण बंगालका जिल्लाहरू हावड़ा, हुगली, उत्तर र दक्षिण 24 परगना, पूर्व र पश्चिम मेदिनीपुर, पुरुलिया, बांकुड़ा, मुर्शिदाबाद र मालदामा तापक्रम 11 देखि 21 डिग्री सेल्सियसबिच छ। यसरी नै उत्तर बंगालको अलीपुरद्वार, कूचबिहार, जलपाइगढी, दार्जीलिङ र कालेबुङमा तापक्रम 10 डिग्री सेल्सियसबिच रहेको छ।
हिन्दुस्थान समाचार/भवानी
