कोलकाता, 23 जनवरी (हि.स.)। सारा देश सरह पश्चिम बंगालमा पनि जलवायु परिवर्तनको असर भइरहेको प्रमाण घट्दो तापक्रमबाट लगाउन सकिन्छ। यसपाली मकर संक्रान्ति बितेर गएपछि पनि जाडोले रेकर्ड तोडिरहेको छ।
अलीपुरस्थित मौसम विभागको क्षेत्रीय मुख्यालयले मंगलवार जारी गरेको बयान अनुसार, राजधानी कोलकातामा न्यूनतम तापक्रम 11.8 डिग्री सेल्सियस रेकर्ड गरिएको छ, जुन सामान्यभन्दा दुई डिग्री कम हो। यस मौसमको यो अहिलेसम्मकै सबैभन्दा न्यूनतम तापक्रम हो। यस कारण राजधानी गान्तोक लगायत राज्यभरि नै कठ्याङ्ग्रिने जाडो बढेको छ।
दक्षिण बंगालका जिल्लाहरू हावड़ा, हुगली, उत्तर र दक्षिण 24 परगना, पूर्व र पश्चिम मेदिनीपुर, पुरुलिया, बांकुड़ा तथा राज्यका अन्य ठाउॅंहरूमा पनि तापक्रम 9 देखि 18 डिग्री सेल्सियसबिच छ। उत्तर बंगालको अलीपुरद्वार, कूचबिहार, जलपाइढी, दार्जीलिङ र कालेबुङमा पनि भीषण जाडो छ। यो हप्ताभरि मौसम यस्तै रहने बताइएको छ।
हिन्दुस्थान समाचार/भवानी
