नयाँ दिल्ली, 30 नोभेम्बर (हि.स.)। संसदको शीतकालीन सत्र अगाड़ी सर्वदलीय बैठकमा विपक्षको तर्फबाट आज सरकार समक्ष देशको सुरक्षा, लोकतन्त्र र ढांचामाथि कथित प्रहार जस्ता मुद्दाहरू उठाइयो।
लोकसभामा कांग्रेसका उप नेता गौरव गोगोईले पत्रकारहरूलाई सम्बोधित गर्दै शीतकालीन सत्र छोटो हुँदा प्रश्न उठाए। उनले भने, यस सत्रमा केवल 15 बैठक हुनेछ। यो शायद अहिलेसम्मको सबैभन्दा छोटो सत्र हुनेछ। यसबाट सरकारको गम्भीरताको पत्तो लाग्दछ। सत्र आयोजित गर्नमा पनि अनावश्यक ढिलाई गरिएको छ। यसबाट प्रतीत हुन्छ कि लोकतन्त्र र संसदीय मर्यादालाई समाप्त गर्ने प्रयास भइरहेको छ।
उनले बताए, विपक्षको तर्फबाट सुरक्षाको मुद्दा उठाइयो। दिल्लीमा भएको बम ब्लास्ट कानून व्यवस्थाको विफलताको उदाहरण हो। यसमाथि सरकार सानो चर्चा गर्नपनि तयार छैन। यस बाहेक वायु प्रदूषण, किसान र मजदूरहरूको आमदनी, प्राकृतिक आपदाहरू पनि चुनौतीहरू बनेका छन् र सरकारले यसको निम्ति केही पनि गरिरहेको छैन। देशको विदेश नीति पनि प्रभावित भइरहेको छ र अन्य कुनै देशको भनाईमा रूसबाट तेल आयात रोकिँदैछ। देशमा मानिसहरूको डेटा पनि सुरक्षित छैन र सरकार पनि एआईको निम्ति तयार छैन।
उनले भने, भोली कांग्रेस अध्यक्ष मल्लिकार्जुन खड़गेको नेतृत्वमा विपक्षी दलले बैठक गर्नेछ र अघिको रणनीति तय गरिनेछ।
हिन्दुस्थान समाचार / भवानी थामी
