मेरठ, 17 अक्टोबर (हि.स.)। उत्तर प्रदेशको मेरठ शहरमा आज बिहान लोहिया नगर थाना क्षेत्रको सत्यकाम इन्टरनेशनल स्कूल नजिक एक घरमा संचालित साबुन बनाउने फ्याक्ट्रीको छत गर्ल्यामगुर्लुम तल झऱ्यो। यसको भग्नावशेष सफा गर्ने क्रममा भीषण विस्फोट भयो जसमा चारजनाको मृत्यु भयो भने धेरैजना घाइते भए। मुख्यमन्त्री योगी आदित्यनाथले सम्बन्धित विभगीय अधिकारीहरूलाई राहत एवं बचाउ कार्यको निम्ति निर्देश दिएका छन्।
पुलिस एवं प्रशासनिक अधिकारीहरू घटनास्थलमा पुगेर राहत अनि बचाउ कार्यमा जुटेका छन्। एनडीआरएफको टीम पनि जुटेको छ। यो घर सञ्जय गुप्ताको हो र यस घरमा आलोक गुप्ता र गौरव गुप्ता बस्दै आएका छन्। यस घरमा साबुन बनाउने फ्टाक्ट्री संचालन हुँदै आएको थियो। विस्फोट यतिसाह्रो शक्तिशाली थियो कि वरपरका दुईवटा घर पनि धराशायी भएको छ। छेवैमा रहेको एउटा स्कूलको भवन र शीशा पनि क्षतिग्रस्त भएको छ।
सूचना पाउनसाथ जिल्लाधिकारी दीपक मीणा औ एसएसपी रोहित सिंह सजवाण समेत तमाम अधिकारी घटनास्थलमा पुगे। घरको भग्नावशेषमा अहिले पनि मानिसहरू पुरिएको आशंका छ। यस तीव्र विस्फोटमा 33 केभीको विद्युत लाइको खम्बा समेत क्षतिग्रस्त भएको छ। गम्भीर रूपमा घाइते मानिसहरूलाई अस्पतालमा भर्ती गरिएको छ।
जिल्लाधिकारी दीपक मीणाको भनाइ छ, अहिले मृतकहरूको पहिचान हुन सकेको छैन। यिनीहरू सबै फ्याक्ट्रीमा काम गर्ने श्रमिकहरू हुनसक्छन्। भनिन्छ, आवासीय क्षेत्रमा यो फ्टाक्ट्री विगत छःवर्षदेखिकै संचालन हुँदै आएको थियो। बचाउ कार्य अवधि घरको रहल भित्ताहरू पनि गर्ल्यामगुर्लुम झऱ्यो अनि जेसीबी चालक पनि घाइते भए। भाग्यवश नजिकैको सत्यकाम स्कूलमा विद्यार्थी नानीहरू आएका थिएनन्। नानीहरू आइसकेको भए ठूलो दुर्घटना हुनसक्थ्यो।
एसएसपी रोहित सिंह सजवाणको भनाइ छ, अहिलेसम्मको जानकारीमा साबुन बनाउना प्रयोग गरिने कुनै केमिकलको कारणले यो विस्फोट भएको हो। सम्पूर्ण मामिलाको जाँच गरिँदैछ।
हिन्दुस्थान समाचार/उष्णता
