हल्द्वानी, 14 फरवरी : उत्तराखण्डको नैनीताल जिल्लास्थित हल्द्वानीको बनभूलपुरा हिंसाको मुख्य आरोपित अब्दुल मलिकलाई पक्राउ गर्न हल्द्वानी पुलिसले लगातार यूपी, उत्तराखण्ड, दिल्ली समेत धेरै राज्यहरूमा छापा मारिरहेछ साथै अब्दुल मलिकको प्रोपर्टीलाई पनि चिन्हित गरिरहेछ।
गत 08 फरवरी बिहिवार हल्द्वानीको बनभूलपुरामा मलिकको बगैंचामा अवैध मदरसा र नमाज स्थल हटाउन गएको नगर निगम, पुलिस र प्रशासनको टीममाथि बुर्का लगाएका महिलाहरूले पनि ढुंगामुड़ा गरेका थिए। बुर्काको आड़मा महिलाहरूको भीड़ले पनि महिला पुलिस कर्मीहरूमाथि जमेर ढुंगामुड़ा गरे, जुन सीसीटीभी फुटेजमा कैद भयो। पुलिसले यसलाई ठूलो साक्ष्यको रूपमा लिएको छ।
एसएसपी नैनीताल प्रहलाद मीणाले भने, सीसीटीभी फुटेजमा केही महिलाहरूले पुलिस कर्मीहरूमाथि ढुंगामुड़ा गरिरहेको देखिएका छन्। पुलिसले यस्ता धेरै महिलाहरूलाई चिह्नित गरिरहेछ। डाटा सर्विलान्सको माध्यमले पनि यस हिंसामा उनीहरूलाई कसले भड्कायो यसमाथि नजर राखिन्दैछ। उनीहरूलाई कसले हतियार र पेट्रोल बम दियो, यसको जाँच जारी छ।
