नयाँ दिल्ली। लोकसभा चुनाउको चौथो चरणमा 13 मईको दिन 10 राज्य र केन्द्र शासित प्रदेशहरूका 96 सीटको निम्ति मतदान हुनेछ, जसको निम्ति कूल 1717 उम्मेदवार चुनावी मैदानमा छऩ्।
चुनाउ आयोग अनुसार चौथो चरणको मतदानको निम्ति कूल 4,264 नामांकन पत्र दर्ता गरियो, जसको छानबीनपछि 1970 नामांकन वैध पाइयो। यस चरणको निम्ति नामांकन दर्ता गर्ने अन्तिम मिति 25 अप्रेल र नाम फिर्ता लिने अन्तिम मिति 29 अप्रेल थियो। 253 उम्मेदवारले नाम फिर्ता लिएपछि कूल 1717 उम्मेदवार चुनावी मैदानमा छन्।
यस चरणमा तेलङ्गानामा 17 संसदीय क्षेत्रहरूबाट अधिकतम 1,488 नामांकन फारम थियो। यसपछि 25 संसदीय क्षेत्रहरूबाट 1,103 नामांकनको साथ आन्र् प्रदेशको स्थान थियो। तेलङ्गानामा 7- मलकजगिरी संसदीय क्षेत्रमा अधिकतम 177 नामांकन फारम प्राप्त भयो। यसपछि त्यही राज्यमा 13-नलगोन्डा र 14-भोङ्गीरमा प्रत्येकमा 114 नामांकन फारम प्राप्त भयो। चौथो चरणको निम्ति एक लोकसभा क्षेत्रमा चुनाउ लड्ने उम्मेदवारहरूको औसत संख्या 18 छ।
यस चरणमा यी सीटहरूमा मतदान हुनेः
आन्ध्र प्रदेशः दक्षिणी राज्यका सबै 25 सीटमा 13 मईमा भोट हालिनेछ। यसमा अमलापुरम, अनाकापल्ले, अनन्तपुर, अराकू, बापटला, चित्तूर, एलुरु, गुन्टूर, हिन्दूपुर, कडपा, काकीनाडा, कुरनूल, मछलीपट्टनम, नन्दयाल, नरसरावपेट, नरसापुरम, राजमपेट, श्रीकाकुलम, तिरूपति, विजयवाड़ा, विशाखापत्तनम र विजयनगरम सामेल छऩ्।
बिहार: राज्यका पाँच सीट जसमा बेगूसराय, दरभंगा, मुंगेर, समस्तीपुर र उजियारपुर सामेल छन्, यसमा 13 मईमा मतदान हुनेछ।
जम्मू-कश्मीर: श्रीनगरमा 13 मईमा मतदान हुनेछ।
मध्य प्रदेश: यहाँ 29 मध्ये आठ सीटमा भोट हालिनेछ। यसमा देवास, धार, इन्दौर, खन्डवा, खरगोन, मन्दसौर, रतलाम र उज्जैन सामेल छऩ्।
झारखण्ड: खून्टी, लोहरदगा, पलामू र सिंहभूममा सोमवार 13 मईमा मतदान हुनेछ।
महाराष्ट्र: लोकसभा चुनाउको चौथो चरणमा 48 लोकसभा सीटमध्ये 11 मा भोट हालिनेछ। यसमा अहमदनगर, औरंगाबाद, बीड, जलगाउँ, मावल, नन्दुरबार, पुणे, रावेर, शिरडी र शिरूर सामेल छन्।
ओडिशा: बरहामपुर, कालाहान्डी, कोरापुट र नबरंगपुर चार सीटमा यस चरणमा लोकसभा चुनाउको निम्ति मतदान हुनेछ।
तेलंगाना: चौथो चरणमा सबै 17 सीट (आदिलाबाद, भोंगिर, चेवेल्ला, हैदराबाद, करीमनगर, खम्मम, महबूबाबाद, महबूबनगर, मल्काजगिरी, मेडक, नागरकुर्नूल, नलगोन्डा, निज़ामाबाद, पेद्दापल्ले, सिकन्दराबाद, वारंगल र ज़हीराबाद) मा मतदान हुनेछ।
उत्तर प्रदेश: उप्रमा 13 मईमा 13 सीटमा भोट हालिनेछ। यसमा अकबरपुर, बराइच, धौरहरा, इटावा, फर्रुखाबाद, हरदोई, कन्नौज, कानपुर, खीरी, मिश्रिख, सीतापुर, शाहजहांपुर र उन्नाव सामेल छन्।
पश्चिम बंगाल: पश्चिम बंगालको आठ सीटमा मतदान 13 मईमा हुनेछ। यसमा आसनसोल, बहरामपुर, बर्धमान, दुर्गापुर, पुरबा, बीरभूम, बोलपुर, कृष्णानगर र राणाघाट सामेल छन्।
