नयाँ दिल्ली, 10 नोभेम्बर (हि.स.)। प्रधानमन्त्री नरेन्द्र मोदी, केन्द्रिय गृहमन्त्री अमित शाह औ सूचना एवं प्रसारणमन्त्री अनुराग ठाकुरले बिगत केही महिनादेखिको पर्वहरूको उमङ्गमा डुबेका देशवासीहरूलाई धनतेरसको शुभकामना दिएका छन्। प्रधानमन्त्रीले ईश्वरसित कामना गरेका छन्, देशका मानिसहरू सदैव स्वस्थ र सम्पन्न रहुन्।
प्रधानमन्त्री मोदीले सोशल मीडिया प्लेटफर्म ‘एक्स’-मा भनेका छन्, ‘देशका मेरा सबै परिवारहरूलाई आरोग्य एवं सुख-समृद्धिको प्रतीक धनतेरस पर्वको धेरै-धेरै बधाई। मेरो कामना छ, भगवान धन्वन्तरिको कृपाले तपाईहरू सदैव स्वस्थ, सम्पन्न र प्रसन्न रहनुहोस् जसबाट विकसित भारतको संकल्पलाई नयाँ उर्जा प्राप्त होस्।’
यस पावन पर्वमा केन्द्रिय गृहमन्त्री अमित शाहले ‘एक्स’-मा भनेका छन्, ‘समस्त देशवासीहरूलाई धनतेरसको हार्दिक शुभकामना। धनतेरसको यो पावन पर्वले सबैको जीवनमा सुख, सम्पन्नता र सौभाग्य ल्याओस्।’
केन्द्रिय सूचना एवं प्रसारणमन्त्री अनुराग ठाकुरले ‘एक्स’-मा भनेका छन्, ‘धनतेरसको पावन पर्वको तपाईहरू सबैलाई हार्दिक शुभकामना। माँ लक्ष्मीको कृपाले तपाईहरूको जीवनमा सुख-समृद्धिको वास होस्। भगवान धन्वन्तरिको कृपाले तपाईहरू आरोग्यवान रहनुहोस्। यही प्रार्थना छ।’
पौराणिक मान्यता अनुसार आयुर्वेदका प्रवर्तक श्री धन्वन्तरि, भगवान विष्णुका अवतार हुन्। पृथ्वीलोकमा यिनको अवतरण समुद्र मन्थनको समयमा भयो। दीपावली आउन दुई दिनअघि भगवान धन्वन्तरिको अवतरणलाई धनतेरसको रूपमा मनाइन्छ।
हिन्दुस्थान समाचार/उष्णता
