अयोध्या, 30 दिसम्बर (हि.स.)। श्रीरामको जन्मभूमि अयोध्याको एक दिवसीय यात्रामा शनिवार आइपुगेका प्रधानमन्त्री नरेन्द्र मोदीले महर्षि वाल्मीकि अन्तरराष्ट्रिय हवाईअड्डाको उद्घाटन गरे। त्यसपछि उनले एयरपोर्टदेखि अयोध्या धाम जङ्क्शनसम्म लगभग 15 किलोमीटर लामो रोड शो गरे।
प्रधानमन्त्रीको भ्रमणलाई लिएर बितेको एक महिनादेखि भइरहेको तयारी शुक्रवार रातीसम्ममा पूरा गरिएको थियो। स्वयं उत्तर प्रदेशका मुख्यमन्त्री योगी आदित्यनाथले शुक्रवार अबेर रातीसम्म तयारीहरूको जायजा लिएका थिए। राती कठ्याङ्ग्रिने जाड़ोको पनि पर्वाह नगरी उनले निरन्तर तयारीहरूको जायजा लिए।
यता बिहान निर्धारित समयमा अयोध्यास्थित महर्षि वाल्मीकि अन्तरराष्ट्रिय हवाईअड्डा आइपुगेका प्रधानमन्त्रीले एयरपोर्टको उद्घाटन गरे अनि यहाँदेखि रोड शोमा सामेल भए। प्रधानमन्त्रीको रोड शो एयरपोर्टको तीन नम्बर गेटबाट निक्लेर एनएच-27, धर्मपथ औ रामपथ हुँदै अयोध्या धाम जङ्क्शन पुग्यो। प्रधानमन्त्रीको रोड शो अवधि ठाउँ-ठाउँमा साधु-सन्त एवं वेदपाठी बटुकहरूद्वारा शङ्खध्वनिसितै पुष्पवर्षा गरी स्वागत गरियो। सड़कको किनारमा बनिएको ब्यारिकेडिङ्गको किनारमा बसेका मानिसहरूले लगातार जय श्रीरामको नारा लगाए। कतिपय स्थानहरूमा कलाकारहरूले नृत्य-गीत आदि पनि प्रस्तुत गरे।
हिन्दुस्थान समाचार/उष्णता
