दन्तेवाड़ा/रायपुर, 27 नोभेम्बर (हि.स.)। छत्तीसगढ़को दन्तेवाड़ा जिल्लामा आरसी नाहर कम्पनी नामक एक निजी निर्माण कम्पनीको भाँसी डामर प्लान्टमा गए अबेर राती लगभग डेढ़ बजे 50 भन्दा अधिक माओवादी नक्सलीहरूले ठूलो उत्पात मच्चाए। यहाँ राखिएका लगभग 16 वटा वाहनहरूको इन्धन ट्याङ्कीलाई भत्काएर आगो लगाइदिए। एएसपी रामकुमार बर्मन पुलिस जवानहरूको साथमा घटनास्थलमा छन्।
दन्तेवाड़ा पुलिस अनुसार नक्सलीहरूको संख्या लगभग 50 बताइएको छ। सबैले कालो पोशाक लगाएका थिए। यो कम्पनीले दन्तेवाड़ादेखि ब्यालाडीलामाझको सड़कको चौड़ाकरण गरिरहेको छ। कम्पनीको यो प्लान्ट भाँसी थानादेखि लगभक एक किलोमीटर टाड़ा अवस्थित छ।
पुलिसको भनाइ छ, नक्सलीहरूले प्लान्टमा राखिएको हाइवा, जेसीबी, पोकलेन, पेवर मसिन समेत 16 वटा वाहनहरूमा डढ़ेलो लगाइदिए। नजिकैमा रेलवे लाइन दोहोरीकरणको कार्यमा प्रयोग गरिने केही वाहनहरूलाई पनि क्षति पुऱ्याएको सूचना छ। भाँसी थानाबाट ठूलो संख्यामा पुलिस जवानहरू घटनास्थलमा पुगेका छन्। नक्सलीहरूद्वारा आह्वान गरिएको बन्दलाई मध्यनजर गर्दै यस रूटमा रेलगाड़ीहरूको परिचालनलाई पहिलादेखि नै बन्द राखिएको छ।
हिन्दुस्थान समाचार/उष्णता
