जोधपुर, फरवरी : पाकिस्तानबाट विगत 14 वर्षपूर्व यहाँ आएर बसेका पाक नागरिकबाट स्थानीय व्यक्तिले विश्वासमा लिएर धोकाधड़ी गर्दै उसको ब्यांक खाताको गलत प्रयोग गरेको घटना प्रकाशमा आएको छ। पीड़ितलाई तमिलनाडु पुलिसको नोटिस प्राप्त भएपछि मात्र थाहा भयो। पाक नागरिक यहाँ कपड़ाको व्यापार गर्दछन्। अब आरोपीविरूद्ध धोकाधड़ीको प्रकरण दर्ता गराइएको छ।
पाक विस्थापित हाल डीपीएस चौरस्ता निवासी सुनिलराम, पुत्र जगरूपको पक्षबाट दर्ता रिपोर्टमा बताइएको छ, उ पाकिस्तानबाट वर्ष 2010-मा भारत आएको थियो। जोधपुरको डीपीएस चौरस्ता नजिक उसले श्री बालाजी कलेक्शन नामक आफ्नो कपड़ा पसल खोलेको छ। उसको छिमेकमै मोतीराम नामक व्यक्तिको पसल छ जसको आफन्त चांदणा भाखर जोशी कलोनी निवासी देवेन्द्र कुमारको आउ-जाउ भइरहन्थ्यो। यसैले देवेन्द्रसित उसको पनि परिचय भयो। देवेन्द्रले उबाट पैसा सापटी लिन्थ्यो र फर्काउँथ्यो पनि। उसको व्यवहार राम्रो भएकोले घनिष्ठता बढ्यो। देवेन्द्रको सहयोगले सुनिलरामले एक निजी ब्यांकमा खाता खोलेका थिए। गत वर्ष देवेन्द्रले व्यापार गर्नको लागि उसको ब्यांक खाता प्रयोग गर्ने प्रस्ताव राख्यो।
देवेन्द्रमाथि विश्वास गरेर सुनिलरामले आफ्नो ब्यांकको चालू खाता सम्बन्धि जानकारी दिनका साथै लेन-देन गर्ने अऩुमति दियो। त्यसपछि देवेन्द्रले उसको ब्यांक खाता प्रयोग गर्दै लेनदेन गर्न थाल्यो। हालैमा तमिलनाडु पुलिसको नोटिस सुनिलरामलाई प्राप्त भयो जसमा भनिएको छ, उसको ब्यांक खाताबाट लेनदेनको ठूलो धोकाधड़ी भएको छ। रिपोर्टमा आरोप छ, चांदणा भाखर जोशी कलोनी निवासी देवेन्द्रले उसको ब्यांक खाताको गलत प्रयोग गर्दै धोकाधड़ी गरिएको छ। यस मामिलामा बोरानाडा पुलिसले जाँच गरिरहेको छ।
