नलबाड़ी, 12 नोभेम्बर (हि.स.)। नलबाड़ी जिल्लाको मुकालमुवास्थित अदाबाडी वाच पोस्टको पुलिसले नशा विरूद्ध अभियान चलाउनमा ठूलो सफलता हात पारेको छ। पुलिसले आज भने, मुकालमुवा थाना अन्तर्गत अदाबाडीको सुतारकुचीमा छापा मारेर मुकालमुआ थानाको इतिहासमा सर्वाधिक नशालु पदार्थ जफत गरको छ।
अदाबाडी पुलिसले सुतारकुची गाउॅंमा तपन महन्तको घरमा तीन घण्टाभन्दा धेरै समयसम्म म्यारथन छापा मारेर 38 हजार 880 प्रतिबन्धित ट्याबलेट जफत गर्न सफल बन्यो। लामो समयदेखि नशाको व्यापारमा लिप्त आरोपित तपन महन्तको गौशाला घरमा छापा मारिएको थियो।
पुलिसले भारी मात्रामा ट्याबलेट जफत गरेको छ, जसलाई आरोपित व्यक्तिले जमिनभित्र लुकाएर राखेको थियो। पुलिसले आरोपित व्यक्तिका साथै अन्य दुई आरोपितलाई पनि पक्राउ गरेको छ। पुलिसले तपन महन्तको ठूलो दाजु दीपू महन्तलाई पनि पक्राउ गरेको छ।
हिन्दुस्थान समाचार
