नयाँ दिल्ली, 25 अक्टोबर (हि.स.)। केन्द्रिय गृह एवं सहकारिता मन्त्री अमित शाहले बिहीवार नयाँ दिल्लीको विज्ञान भवनमा भारतीय बीज सहकारिता समिति लिमिटेड (बीबीएसएसएल)-द्वारा आयोजना गरिने सहकारिताको माध्यमबाट उन्नत तथा पारम्परिक बीजोत्पादनमाथि राष्ट्रिय संगोष्ठी” –लाई सम्बोधन गर्नेछन्। यो जानकारी सहकारिता मन्त्रालयले बुधवार दिएको हो।
सहकारिता मन्त्रालयले बयान जारी गरी बताए अनुसार कार्यक्रम अवधि शाहले बीबीएसएसएलका लोगो, वेबसाइट र ब्रोशरको अनावरण तथा बीबीएसएसएल सदस्यहरूलाई प्रमाण पत्र वितरण गर्नेछन्। संगोष्ठीमा बीबीएसएसएलको उद्देश्य प्याक्सको माध्यमबाट बीउ उत्पादनको महत्व र फसलहरूको उत्पादकता अनि पोषणमा बीउहरूको भूमिकासितै साना तथा सीमान्त किसानहरूको उत्थानमा सहकारी समितिहरूको भूमिकामाथि चिन्तन गरिनेछ।
केन्द्रिय गृह एवं सहकारिता मन्त्रीद्वारा सहकारी क्षेत्रको माध्यमबाट उन्नत एवं पारम्परिक बीउ अनुसन्धान तथा उत्पादनको साथमा प्रसंस्करण अनि विपणनको लागि अम्ब्रेला संगठनको रूपमा कार्य गर्नको लागि एक राष्ट्रिय स्तरको बहुराज्य सहकारी समिति स्थापित गर्ने आवश्यक्तामाथि बल दिइएपछि बीबीएसएसएल अस्तित्वमा आएको छ।
यो माग आधारित बीउऊ उत्पादन, बीउ भण्डारण, प्रसंस्करण, प्याकेजिङ्गको लागि बुनियाँदी ढाँचाको विकास, रसद समर्थन, गुणस्तरीय वृद्धि तथा मानकीकरण, अपेक्षित प्रमाणन र उत्पादन प्रमाणन तथा उत्पादित बीउहरूको विपणनमा देशभरिको सहकारि समितिहरूलाई सहायता प्रदान गर्नेछ।
हिन्दुस्थान समाचार/उष्णता
