नाशिक, १६ जानेवारी (हिं.स.) : घराजवळ उभ्या असलेल्या दोन कारच्या दर्शनी भागातील काचा फोडून काही संशयितांनी १ परिसरात दहशत पसरविण्याच्या प्रयत्न केल्याची घटना देवळाली गावात घडली. यामुळे परिसरातील – वाहनधारकांमध्ये भितीचे वातावरण पसरले आहे.
याबाबत पोलिसांनी दिलेली माहिती अशी की, देवळाली गावातील मौलाना आझाद – रोडवरील केशवराव थोरात चौकात अंकुश कुमावत व निखिल जावरे यांच्या मालकीच्या दोन कार रात्री उभ्या करण्यात आल्या होत्या. दरम्यान मध्यरात्रीच्या सुमारास काही टवाळखोरांनी उभ्या असलेल्या या दोन्ही कारच्या दर्शनी भागातील काचा फोडून न वाहनांचे नुकसान करत परिसरात दहशत माजवण्याचा प्रयत्न केला. दरम्यान मागील आठवड्यात जुन्या भांडणाची कुरापत काढून काही – संशयितांनी मालवाहू गाडी चा रिक्षासह अनेक दुचाकी गाड्यांच्या काचा फोडून मोठ्या प्रमाणात नुकसान केले होते.
या घटनेचे गांभीर्य ओळखून पोलिसांनी तपास चक्रे वेगाने फिरवत काही अल्पवयीन मुलांसह ५ संशयित टवाळखोरांना ताब्यात घेतले होते. या घटनेला काही दिवस उलटत नाही तोच काल मध्यरात्री देवळाली गावात पुन्हा दोन कारच्या समोरील बाजूच्या काचा फोडून नुकसान करण्यात आल्याच्या घटनेने परिसरातील वाहनधारकांसह सर्वसामान्य नागरिकांमध्ये भितीचे वातावरण पसरले आहे. अशा टवाळखोरांचा पोलिसांनी बंदोबस्त करावा, अशी मागणी होऊ लागली आहे. याप्रकरणी उपनगर पोलीस ठाण्याचे वरिष्ठ पोलीस निरीक्षक विजय पगारे यांच्या मार्गदर्शनाखाली गुन्हे शोध पथकाचे सहाय्यक पोलीस निरीक्षक सचिन चौधरी व सहकारी पुढील तपास करीत आहे.
हिंदुस्थान समाचार
