નવી દિલ્હી, 24 જાન્યુઆરી (હિ.સ.) ઈંગ્લેન્ડ સામેની પ્રથમ બે ટેસ્ટ મેચ માટે, ભારતીય ટીમમાં રજત પાટીદારનો સમાવેશ કરવામાં આવ્યો છે. 30 વર્ષીય મધ્યપ્રદેશના બેટ્સમેનને અંગત કારણોસર પ્રથમ બે ટેસ્ટ મેચો માટે અનુપલબ્ધ રહ્યા બાદ વિરાટ કોહલીએ તેને ટીમમાં સામેલ કર્યો છે.
છેલ્લા અઠવાડિયે અમદાવાદમાં ઈંગ્લેન્ડ લાયન્સ સામે 151 રન બનાવનાર પાટીદાર, તાજેતરમાં શાનદાર ફોર્મમાં છે. તેણે લાયન્સ સામેની પ્રેક્ટિસ મેચમાં પણ 111 રન બનાવ્યા હતા અને તે ગયા વર્ષના અંતમાં એ ટીમ સાથે દક્ષિણ આફ્રિકાના પ્રવાસે હતો.
મંગળવારે (23 જાન્યુઆરી) હૈદરાબાદમાં બીસીસીઆઈ નમન એવોર્ડ્સમાં હાજરી આપનાર પાટીદારે, ડિસેમ્બરમાં પાર્લમાં દક્ષિણ આફ્રિકા સામેની વન-ડે માં આંતરરાષ્ટ્રીય ક્રિકેટમાં પ્રવેશ કર્યો હતો, જ્યાં તેણે ઇનિંગ્સની શરૂઆત કરી હતી. પરંતુ જો તેને અહીં તક મળશે તો તે મિડલ ઓર્ડરમાં રમે તેવી શક્યતા છે.
પાટીદારની પસંદગીનો અર્થ એ છે કે, ભારત અત્યારે ચેતેશ્વર પૂજારા અને અજિંક્ય રહાણે પર ધ્યાન કેન્દ્રિત કરી રહ્યું નથી, અને મુંબઈના બેટ્સમેન સરફરાઝ ખાનની રાહ થોડી લાંબી થઈ ગઈ છે.
અગાઉ, રિંકુ સિંહને ઈંગ્લેન્ડ લાયન્સ સામેની બીજી બહુ-દિવસીય મેચ માટે ઈન્ડિયા એ ટીમમાં સામેલ કરવામાં આવ્યો હતો, જેનાથી સિનિયર પુરુષોની ટીમમાં પાટીદારના સમાવેશનો માર્ગ મોકળો થયો હતો.
હિન્દુસ્થાન સમાચાર/સુનીલ / ડો. હિતેશ
