નવી દિલ્હી, 4 નવેમ્બર(હિ. સ.) શિલ્પા શેટ્ટીના પતિ રાજ કુન્દ્રાએ પણ એક્ટિંગમાં ડેબ્યુ કર્યું છે. તેમની બાયોપિક ”યુટી 69” 3 નવેમ્બરના રોજ રિલીઝ થઈ હતી. છેલ્લા ઘણા દિવસોથી આ ફિલ્મને લઈને ઘણી ચર્ચા ચાલી રહી હતી. ફિલ્મની રિલીઝ બાદ પહેલા દિવસની કમાણીનો આંકડો સામે આવ્યો છે.
સૈકનિલ્ક ના રિપોર્ટ અનુસાર, રાજ કુન્દ્રાની યુટી 69 એ પહેલા દિવસે માત્ર 10 લાખ રૂપિયાનું કલેક્શન કર્યું છે. જો આપણે કમાણીના આંકડાઓ પર નજર કરીએ તો, આપણે જોઈ શકીએ છીએ કે ફિલ્મની શરૂઆત નિરાશાજનક રહી હતી. જોકે, એવો અંદાજ છે કે સપ્તાહના અંતે કમાણી વધી શકે છે.
રાજ કુન્દ્રાની 2021માં પોર્નોગ્રાફીના આરોપમાં ધરપકડ કરવામાં આવી હતી. તેના પર અશ્લીલ ઑટીટી એપ્સ દ્વારા અશ્લીલ સામગ્રી બનાવવાનો આરોપ હતો. આ કેસમાં તેને બે મહિના સુધી આર્થર રોડ જેલમાં રહેવું પડ્યું હતું. ”યુટી 69” આર્થર રોડ જેલમાં રાજ કુન્દ્રાના દિવસો પર પ્રકાશ પાડે છે. આ ફિલ્મમાં રાજ કુન્દ્રા મુખ્ય ભૂમિકામાં છે. આ ફિલ્મ ડાયરેક્ટર શાહનવાઝ અલીએ ડિરેક્ટ કરી છે.
દરમિયાન, જેલમાંથી બહાર આવ્યા પછી, રાજ કુન્દ્રા હંમેશા જાહેર સ્થળોએ અને મીડિયાની સામે માસ્ક પહેરીને જોવા મળતા હતા, જેણે તેમને માસ્ક મેન તરીકે નવી ઓળખ આપી હતી. આ માસ્કના કારણે તે ઘણીવાર ટ્રોલ થયા હતા.
હિન્દુસ્થાન સમાચાર / લોકેશ ચંદ્ર /વીરેન્દ્ર / ડો. હિતેશ
