નવી દિલ્હી, 28 માર્ચ બોલિવૂડ સ્ટાર્સ અનન્યા પાંડે અને આદિત્ય રોય કપૂર તેમની ડેટિંગને કારણે, અવારનવાર ચર્ચામાં રહે છે. જો કે બંનેએ તેમના સંબંધોને જાહેરમાં જાહેર કર્યા નથી, પરંતુ પાપારાઝીએ તેમને ઘણી વખત સાથે જોયા છે. ઇન્ટરવ્યુ દરમિયાન પરોક્ષ રીતે એકબીજા વિશે વાત કરીને તેમના ડેટિંગની ચર્ચાઓ શરૂ થઈ હતી.
એક ઈન્ટરવ્યુમાં જ્યારે અનન્યા પાંડેને પૂછવામાં આવ્યું કે,” શું તે આદિત્ય રોય કપૂરને ડેટ કરી રહી છે?” તો અનન્યાએ કહ્યું, ‘મેં એવું નથી કહ્યું, અમે ફક્ત મિત્રો છીએ. આ બધું તમે બોલો છો, તમે કહો છો…”
અનન્યા અને આદિત્ય આ વર્ષની શરૂઆતમાં, યુરોપ ગયા હતા. આ પહેલા અનન્યા અને આદિત્ય એક સાથે કોન્સર્ટમાં જતા જોવા મળ્યા હતા. આનંદ અંબાણી અને રાધિકા મર્ચન્ટ ઘણીવાર પ્રી-વેડિંગ સેલિબ્રેશન દરમિયાન એકબીજા સાથે સમય પસાર કરતા જોવા મળતા હતા.
આ પહેલા મીડિયાને આપેલા એક ઈન્ટરવ્યુમાં અભિનેત્રીએ સોશિયલ મીડિયા અને તેના અંગત જીવન પર ટિપ્પણી કરી હતી. ત્યારે તેણે કહ્યું હતું કે,” તે અંગત બાબતોને ખાનગી રાખવાનું પસંદ કરે છે.”
કામની વાત કરીએ તો અનન્યા આગામી ફિલ્મ, ‘કંટ્રોલ’ અને ‘ધ અનટોલ્ડ સ્ટોરી ઑફ સી શંકરન નાયર’માં જોવા મળશે. અભિનેત્રી વરુણ ધવન અને વીરદાસ સાથે ટીવી સીરિઝ ‘કોલ મી બે’માં જોવા મળશે. અનન્યા હાલમાં ઘણા પ્રોજેક્ટ પર કામ કરી રહી છે.
