વિશાખાપટ્ટનમ, નવી દિલ્હી, 05 ફેબ્રુઆરી : ઈંગ્લેન્ડ સામે રમાઈ રહેલી બીજી ટેસ્ટ મેચના ત્રીજા દિવસે ભારતીય ટીમનો બીજો દાવ, 255 રનમાં સમેટાઈ ગયો હતો. ઈંગ્લેન્ડને મેચ જીતવા માટે 399 રનનો ટાર્ગેટ છે. બીજી ઈનિંગમાં શુભમન ગિલે સદી ફટકારીને, ભારત તરફથી સૌથી વધુ 104 રન બનાવ્યા હતા. ગિલ ઉપરાંત અક્ષર પટેલે, 45 રન અને રવિચંદ્રન અશ્વિને 29 રનનું યોગદાન આપ્યું હતું.
વિશાખાપટ્ટનમના ડૉ. વાયએસ રાજશેખર રેડ્ડી એસીએ-વીસીડીએ ક્રિકેટ સ્ટેડિયમમાં, રમાઈ રહેલી બીજી ટેસ્ટ મેચના બીજા દાવમાં ત્રીજા દિવસે ભારતીય ટીમની શરૂઆત સારી રહી ન હતી. કેપ્ટન રોહિત શર્મા 13 રન બનાવીને આઉટ થયા હતા અને યશસ્વી જયસ્વાલ 17 રન બનાવીને આઉટ થયા હતા. આ પછી શુભમન ગિલ અને શ્રેયસ અય્યરે સાથે મળીને, ઇનિંગ્સને સંભાળી હતી. બંનેએ શાનદાર ભાગીદારી કરી ટીમના સ્કોરને 100 રનની પાર પહોંચાડી દીધી હતી. જોકે, આ ભાગીદારી લાંબો સમય ટકી ન હતી. ટીમના કુલ સ્કોર 111 રન પર શ્રેયસ અય્યર 29 રન બનાવીને આઉટ થયો હતો. ભારતની ચોથી વિકેટ 122 રન પર પડી હતી. રજત પાટીદાર માત્ર નવ રન બનાવીને આઉટ થયો હતો.
આ પછી ગિલે અક્ષર પટેલ સાથે મળીને, સ્કોર બોર્ડને આગળ વધાર્યું હતું. દરમિયાન, ગિલે શાનદાર બેટિંગ કરી અને તેની ટેસ્ટ કારકિર્દીની ત્રીજી સદી ફટકારી. જોકે, ગિલ પોતાની સદીને વધુ મોટી કરી શક્યો ન હતો. ગિલ 147 બોલમાં 104 રન બનાવીને આઉટ થયો હતો. ભારતીય ટીમની છઠ્ઠી વિકેટ 220 રન પર પડી હતી. સારી બેટિંગ કરી રહેલા, અક્ષર પટેલ પોતાની અડધી સદી ચૂકી ગયો હતો અને 84 બોલમાં 45 રન બનાવીને આઉટ થયો હતો. આ પછી નીચલા ક્રમના બેટ્સમેનો વધુ રન ઉમેરી શક્યા ન હતા. આખી ટીમ 255 રનમાં ઓલઆઉટ થઈ ગઈ હતી. શ્રીકર ભરતે, 6 રન, રવિચંદ્રન અશ્વિને 29 રન, કુલદીપ યાદવ અને જસપ્રિત બુમરાહ, ખાતુ પણ ખોલી શક્યા ન હતા.
ઈંગ્લેન્ડ તરફથી ટોમ હાર્ટલે 4, રેહાન અહેમદે 3 વિકેટ, જેમ્સ એન્ડરસને 2 અને શોએબ બસીરે, એક વિકેટ લીધી હતી.
ઈંગ્લેન્ડનો પ્રથમ દાવ 253 રન પર સમેટાઈ ગયો, બુમરાહે 6 વિકેટ લીધી.
આ પહેલા, ઝડપી બોલર જસપ્રિત બુમરાહ (15.5 ઓવરમાં 45 રનમાં 6 વિકેટ)ની ઘાતક બોલિંગને કારણે, ભારતે અહીં ચાલી રહેલી બીજી ટેસ્ટ મેચના બીજા દિવસે ઈંગ્લેન્ડનો પ્રથમ દાવ 253 રનમાં સમેટાઈ ગયો હતો. પ્રથમ દાવના આધારે ભારતને 143 રનની લીડ મળી હતી. ઈંગ્લેન્ડ માટે પ્રથમ દાવમાં જેક ક્રાઉલે શાનદાર અડધી સદી સાથે, 76 રન બનાવ્યા હતા. આ સમયગાળા દરમિયાન, ક્રાઉલે 78 બોલનો સામનો કર્યો અને 11 ચોગ્ગા અને 2 છગ્ગા ફટકાર્યા.
ક્રાઉલી સિવાય કેપ્ટન બેન સ્ટોક્સે, 47 રન બનાવ્યા હતા. બેન ડકેટ (21), ઓલી પોપ (23), જોની બેરસ્ટો (25) અને ટોમ હાર્ટલી (21)એ પણ મહત્વપૂર્ણ યોગદાન આપ્યું હતું.
ભારત તરફથી જસપ્રીત બુમરાહે 6, કુલદીપ યાદવે 3 અને અક્ષર પટેલે 1 વિકેટ ઝડપી હતી.
ભારતે તેની પ્રથમ ઇનિંગમાં 396 રન બનાવ્યા, યશસ્વી જયસ્વાલે બેવડી સદી ફટકારી.
આ પહેલા ઓપનર યશસ્વી જયસ્વાલની શાનદાર બેવડી સદીની મદદથી ભારતે અહીં ઈંગ્લેન્ડ સામેની બીજી ટેસ્ટ મેચમાં પ્રથમ દાવમાં 396 રન બનાવ્યા હતા. જયસ્વાલે 290 બોલનો સામનો કરીને 19 ચોગ્ગા અને સાત છગ્ગા ફટકાર્યા હતા. જયસ્વાલ ઉપરાંત શુભમન ગિલ (34), રજત પાટીદાર (32), શ્રેયસ ઐયર (27), અક્ષર પટેલ (27) અને રવિચંદ્રન અશ્વિને (20) પણ મહત્વપૂર્ણ યોગદાન આપ્યું હતું.
ઈંગ્લેન્ડ તરફથી શોએબ બસીર, રેહાન અહેમદ અને જેમ્સ એન્ડરસને 3-3 અને ટોમ હાર્ટલે, 1 વિકેટ લીધી હતી.
