–সশস্ত্ৰ সংগঠনৰ ১,১২১ জন প্ৰাক্তন নেতা সদস্য আৰু ১১৫ জন বি পি এফৰ সদস্য়ৰ ইউপিপিএলত যোগদান
কোকৰাঝাৰ, ১৬ ডিছেম্বৰ (হি.স.): হত্যা, হিংসা, দুৰ্নীতি, ভ্ৰষ্টাচাৰ, অপশাসনৰ ৰাজ চলিছিল ৷ বি পি এফ দলে ১৭ টা বছৰে শাসন কৰাৰ সুযোগ পাইছিল যদিও বি টি আৰ উন্নয়ন আৰু সুস্থ গণতন্ত্ৰ অনাৰ ক্ষেত্ৰত সম্পূৰ্ণ বিফল হৈছিল বি পি এফ দল ৷ – এই মন্তব্য় বি টি আৰৰ প্ৰধান প্ৰমোদ বড়োৰ ৷ যোৱাকালি শুকুৰবাৰে আবেলি বি টি আৰৰ ৬ নং কচুগাঁও সমষ্টিৰ ৰাইখুনবাৰী খেলপথাৰত ইউ পি পি এল দলৰ যোগদান সভাত অংশ গ্ৰহণ কৰি বড়োৱে আৰু কয় যে ইউ পি পি এল দল ২০১৫ চনত জন্ম হৈছিল শান্তি, নিৰাপত্তা, ঐক্য সৃষ্টিৰ লক্ষ্যৰে ৷ ইউ পি পি এল দল বি টি আৰৰ শাসনৰ গাদীত বহাৰ লগে লগে বি টি আৰ বাসী ৰাইজ শান্তি, নিৰাপত্তা, প্ৰগতি লাভ কৰিবলৈ সক্ষম হৈছে ৷ তাৰ সমান্তৰালভাৱে বিভিন্ন জাতি জনগোষ্ঠীৰ মাজত হেৰাই যোৱা সমন্বয় ঘুৰাই পাইছে ৷
প্ৰমোদ বড়োৱে কয় যে বি টি চিত যি সকলে দাদা গিৰি কৰিছিল ৷ এসময়ত দাদাগিৰি কৰা সকলৰ দাদা গিৰি এতিয়া ধূলিসাৎ হৈ গৈছে ৷ আজি বি টি চিত জাতিগত হিংসা বিদ্বেষ নোহোৱা হ’ল ৷ ৭২ হেজাৰ বিষা মাটিৰ পট্ৰা দিয়া হ’ল , ১২০০ কিলোমিটাৰ ৰাস্তা পকী কৰণ হ’ল, দলং হ’ল,মহিলাক সাৱলীল কৰাৰ বাবে আত্নসহায়ক গোটক ৭৫ হেজাৰ টকা কৰি অনুদান দিয়া হ’ল, বিদ্যা্যালয় গৃহ মেৰামতি কৰা হ’ল, বি টি আৰৰ আমুল পৰিৱৰ্তন হোৱা সত্বেও বিৰোধীয়ে ইউ পি পি এল দলক সমালোচনা কৰে ৷ প্ৰধান মন্ত্ৰী আৱাস যোজনা গৃহৰ কাম ৮০ শতাংশ সম্পূৰ্ণ হ’ল ৷ বি টি আৰত শান্তি আহিছে মানে উন্নতিৰ ধল নামি আহিছে ৷ বি টি আৰৰ চৰকাৰে তিনিটা বছৰত বি টি আৰৰ যিমানখিনি প্ৰগতি হ’ল – বি পি এফৰ শাসনত লুণ্ঠন, ব্যভিচাৰৰ অভিলেখ গঢ়িলে ৷
ইউ পি পি এল দলৰ সম্পাদক সোমনাথ বসুমাতাৰীৰ পৰিচলনাত অনুষ্ঠিত হোৱা বিশাল যোগদান সভাত ইউ পি পি এল দলৰ কেন্দ্ৰীয় সাধাৰণ সম্পাদক ৰাজু নাৰ্জাৰীয়ে কয় যে বি পি এফৰ সভাপতি হাগ্ৰামা মহিলাৰীয়ে মেল মিটিঙত কয় প্ৰমোদ বড়ো হাটাও বি টি চি বাচাও শ্লোগান ৷ এই শ্লোগান যিমানে দিব সিমানে হাগ্ৰামা বি টি চিৰ পৰা হাটাও হ’ব ৷ এই শ্লোগানটো কংগ্ৰেছৰ ৰাহুল গান্ধীৰ পৰা শিকা ৷ ৰাহুল গান্ধীয়ে যেনেদৰে কয় মোদী হাটাও দেশ বাচাও ৷ ইউ পি পি এল দলৰ সভাপতি তথা বি টি আৰৰ চীফ প্ৰমোদ বড়ো এগৰাকী কৰ্মবীৰ বুলিও আখ্যায়িত কৰে সাধাৰণ সম্পাদক ৰাজু নাৰ্জাৰীয়ে ৷ যোগদান সভাত ই এম উকীল মুছাহাৰী, উইলছন হাসদা, নিলুয্যত স্বৰ্গায়াৰীকে ধৰি অনেকেই উপস্থিত থকা সভাত ড্ৰাগন ফাইটাৰ, এন এল এফ বি নাছলা, আনলাৰ প্ৰাক্তন নেতা সদস্যকে ধৰি ১,১২১ গৰাকী ইউ পি পি এলত যোগদান কৰে। ইয়াৰ উপৰি বি পি এফৰ পৰা ১১৫ গৰাকীয়ে ইউ পি পি এলত যোগ দিয়ে ৷
হিন্দুস্থান সমাচাৰ / কিশোৰ/মনোজ
