গোলাঘাট, ০৮ আগষ্ট (হি.স.)। তিনিদিনীয়া ক্ৰীড়া প্ৰতিযোগিতাৰ আজি সফল সামৰণি গোলাঘাটৰ জোনাকী নগৰস্থিত ১৪২ বিএন চিআৰপিএফৰ মুখ্য কাৰ্যালয়ৰ আন্তঃবেটেলিয়ন অ’পছ যোৰহাট টেবুল টেনিছ প্ৰতিযোগিতা – ২০২৫ । অনুষ্ঠানৰ আৰম্ভণিতে ১৪২ বি এন চি আৰ পি এফৰ কমাণ্ডেণ্ট শ্ৰী মহিন্দৰ কুমাৰে ক্ৰীড়া আৰু প্ৰশংসনীয় প্ৰশাসনিক প্ৰদৰ্শনৰ উল্লেখযোগ্য কৃতিত্বৰ বাবে ইউনিটৰ কৰ্মীসকলক প্ৰমাণ পত্ৰ আৰু ট্ৰফিৰে সন্মানিত কৰে।
উপস্থিত সঞ্জীৱ কুমাৰ ডিআইজি (অপাৰেচন), যোৰহাট খণ্ড, অনিল বিষ্ট, ডি আই জি, জি চি খটখটি , আৰ ডব্লিউ ডাৱা, ডি আই জি, ৰেঞ্জ খটখটি , শ্ৰী বিনয় কুমাৰ তিৱাৰী, কমাণ্ডেণ্ট, ৭ চিগনেল বি.এন , মনোজ গৌতম, কামাণ্ডেণ্ট, সঞ্জীৱ দিৱেদী, কামাণ্ডেণ্ট (চোৰাংচোৱা) , বিকাশ কুমাৰ সিনহা, কমাণ্ডেণ্ট, ১১৯ বি.এন, ড° সত্যবীৰ ভাৰ্মা, কমাণ্ডেণ্ট, ১৫৫ বি.এন অশোক কুমাৰ যাদৱ, কমাণ্ডেণ্ট, ১৭৩ বি.এন । উত্তৰ-পূব অঞ্চলৰ পৰা অংশগ্ৰহণ কৰা ১১টা চিআৰপিএফ বেটেলিয়নৰ ভিতৰত বিজয়ী আৰু ৰানাৰ্ছ আপক পুৰস্কাৰ প্ৰদান কৰা হয়।
মুখ্য ভাষণত বি.কে. টপো, আই জি (অ’পছ)য়ে প্ৰতিযোগিতাখন সফলতাৰে আয়োজন কৰাৰ ক্ষেত্ৰত ১৪২ বিএন চিআৰপিএফৰ প্ৰচেষ্টাক প্ৰশংসা কৰে। বিভিন্ন অসামৰিক, আৰক্ষী, আৰু প্ৰশাসনিক খণ্ডৰ বিষয়া, জোৱান, তেওঁলোকৰ পৰিয়াল, আৰু অতিথিসকলৰ অংশগ্ৰহণে অনুষ্ঠানৰ সৌষ্ঠব বৃদ্ধি কৰে। সকলো গণ্যমান্য ব্যক্তি, অংশগ্ৰহণকাৰী, সহযোগী সংস্থা বিশেষকৈ গোলাঘাট ক্ৰীড়া সন্থাৰ অবিৰত সহযোগিতাৰ বাবে উপস্থিত আৰু অৱদানক স্বীকাৰ কৰি চেকেণ্ড ইন কমাণ্ডে আন্তৰিক ধন্যবাদ জ্ঞাপন কৰে।
হিন্দুস্থান সমাচাৰ / কিশোৰ মিশ্ৰ
