জয়পুৰ, ১৮ জুলাই (হি.স.)। ৰাজস্থানৰ দিদৱানা জিলাৰ গাছিপুৰা ৰে’ল ষ্টেচনৰ সমীপত শুকুৰবাৰে পুৱা এখন মাল ট্ৰেইনৰ ৭টা ডবা লাইনচ্যুত হয় । এই ঘটনাৰ বাবেই ৰে’ল যাতায়ত ক্ষতিগ্ৰস্ত হৈছে। মেৰটা ৰোডৰ পৰা ফুলেৰালৈ গৈ আছিল মালবাহী ট্ৰেইনখন।
এই দুৰ্ঘটনাৰ পিছত দুখন ৰে’ল বিভিন্ন ষ্টেচনত ৰখাই দিয়া হয়। ইয়াৰ বাহিৰেও সাতখন ৰে’লৰ পথ সলনি কৰা হৈছে। ঘটনা সন্দৰ্ভত ৰে’ল বিভাগৰ বিষয়াক ততাতৈয়াকৈ অৱগত কৰাৰ পিছতে যোধপুৰৰ পৰা এটা দলক সেই স্থানলৈ মাতি অনা হৈছে। ইঞ্জিনিয়াৰৰ এটা দলো মেৰটা ৰোড জংচনৰ পৰা বিশেষ ৰে’ল যোগে সেই স্থানত উপস্থিত হৈছে। ৰে’ল বিভাগৰ বিষয়াসকলে দুৰ্ঘটনাৰ কাৰণসমূহৰ তদন্ত কৰি অতি সোনকালে ৰে’ল যাতায়ত পুনৰুদ্ধাৰ কৰাৰ চেষ্টা অব্যাহত ৰাখিছে।
উত্তৰ পশ্চিম ৰে’লৱেৰ জ্যেষ্ঠ জনসংযোগ বিষয়াগৰাকীয়ে জনোৱা মতে, উত্তৰ পশ্চিম ৰে’লৱেৰ যোধপুৰ সংমণ্ডলৰ মেৰতা ৰোড-ফুলেৰা ৰে’ল বিভাগৰ মাজৰ গছিপুৰা ষ্টেচনত এখন মালবাহী ট্ৰেইনৰ ৭টা ডবা লাইনচ্যুত হোৱাৰ ফলত ৭খন ৰে’ল ক্ষতিগ্ৰস্ত হৈছে। ক্ষতিগ্ৰস্ত ৰে’লৰ পথ সলনি কৰা হৈছে।
তেওঁ জনোৱা মতে, দুৰ্ঘটনাটোৰ বাবেই ৰে’ল নম্বৰ ১৯৭২০ চুৰাটগড়-জয়পুৰ এক্সপ্ৰেছ, ৰে’ল নম্বৰ ১৪০৮৭ দিল্লী-জয়ছালমেৰ এক্সপ্ৰেছ, ৰে’ল নম্বৰ ১২৪৬৮ জয়পুৰ-জয়ছলমেৰ এক্সপ্ৰেছ ৰে’ল সেৱা, ৰে’ল নম্বৰ ১৮৫৭৩ বিশাখাপট্টনম-ভগত কি কোঠি এক্সপ্ৰেছ, ৰে’ল নম্বৰ ১২৪৬৫ ইন্দোৰ-যোধপুৰ এক্সপ্ৰেছ, ৰে’ল নম্বৰ ১৪৬৬২ৰ পথ জম্মু তাৱি-বাৰ্মাৰ এক্সপ্ৰেছ আৰু ৰে’ল নম্বৰ ২২৯৭৮ যোধপুৰ-জয়পুৰ এক্সপ্ৰেছ সলনি কৰা হৈছে।
हिन्दुस्थान समाचार / মনোজ কুমাৰ শইকীয়া
