ৰাঁচী, ১০ ডিছেম্বৰ (হি.স.)। উপ-ৰাষ্ট্ৰপতি হোৱাৰ পিছত আজি (দেওবাৰ) প্ৰথমবাৰৰ বাবে ঝাৰখণ্ডলৈ আহিছে জগদীপ ধনখৰ। ৰাজ্যৰ দুখন জিলা জামছেদপুৰ আৰু ধনবাদত তেওঁলোকৰ কাৰ্যসূচী আছে। তেওঁ এক্সএলআৰআই, জামছেদপুৰ আৰু আইআইটি-আইএছএম, ধনবাদৰ কাৰ্যসূচীত অংশগ্ৰহণ কৰিব।
প্ৰথমে জামছেদপুৰত উপস্থিত হ’ব উপ-ৰাষ্ট্ৰপতি ধনখৰ। তাত এক্সএলআৰআইৰ প্লেটিনাম জয়ন্তী উদযাপনত তেওঁ মুখ্য অতিথি হিচাপে অংশগ্ৰহণ কৰিব। ইয়াৰ পিছত তেওঁ ধনবাদলৈ যাব। তাত আই আই টি-আই এছ এমৰ ৪৩ সংখ্যক সমাৱৰ্তন অনুষ্ঠানত তেওঁ অংশগ্ৰহণ কৰিব। ছাত্ৰ-ছাত্ৰীক সোণৰ পদক প্ৰদান কৰিব। উপ-ৰাষ্ট্ৰপতি ৰাঁচীৰ বীৰছা মুণ্ডা বিমানবন্দৰত উপস্থিত হৈ তাৰ পৰা সেনাৰ হেলিকপ্টাৰেৰে জামছেদপুৰলৈ ৰাওনা যাব।
এই সময়ছোৱাত ঝাৰখণ্ডৰ গৱৰ্ণৰ চি পি ৰাধাকৃষ্ণন, টাটা ষ্টীল লিমিটেডৰ চি ই অ’ কম এম ডি টি ভি নৰেন্দ্ৰন, এক্স এল আৰ আইৰ সঞ্চালক ফাদাৰ এছ জৰ্জ ফাৰ্নাণ্ডেছও তেওঁৰ সৈতে উপস্থিত থাকিব। সন্ধিয়া ৩:৫০ বজাত সোণাৰি বিমানবন্দৰৰ পৰা ধনবাদলৈ ৰাওনা হ’ব।
হিন্দুস্থান সমাচাৰ/বন্দনা/মনোজ
