কাঠমাণ্ডু, ০৯ নৱেম্বৰ (হি.স.) ।মাওবাদী দলৰ পৰা নেপালী কমিউনিষ্ট পাৰ্টি গঠন কৰা পুষ্প কমল দাহাল প্ৰচণ্ডৰ নিজৰ নীতিৰ প্ৰতিবাদত নিজ দলৰ এজন বিধায়কে চিয়াঁহীৰে মুখত সানি ৰয়।
এই ঘটনা শনিবাৰে সংঘটিত হয়, যেতিয়া নৱনিযুক্ত মুখ্যমন্ত্ৰী জিতেন্দ্ৰ সোণালে ৰাজ্য বিধানসভাত আস্থা ভোট গ্ৰহণ কৰি আছিল। মাওবাদী দলে চৰকাৰক সমৰ্থন কৰিছিল যদিও একেটা দলৰ ৰোহবৰ আনছাৰীয়ে আস্থা ভোটদানৰ সময়ত ৰাজ্য বিধানসভাত চিয়াঁহীৰে মুখত লেপ দি চৰকাৰক সমৰ্থন কৰিব নোৱাৰাৰ কথা উল্লেখ কৰে। আনছাৰীয়ে প্ৰচণ্ডৰ অহৰহ নীতি পৰিৱৰ্তনৰ বিৰোধী বুলি উল্লেখ কৰে। তেওঁ কয় যে প্ৰচণ্ডই নিজৰ সুবিধা আৰু ব্যক্তিগত ৰাজনৈতিক লাভালাভৰ বাবে মিত্ৰতা সলনি কৰি থাকে। এই নীতিৰ পৰা বিৰক্ত হৈ তেওঁ চৰকাৰক সমৰ্থন নকৰাৰ সিদ্ধান্ত লৈছে।
দৰাচলতে শনিবাৰে মাওবাদী পাৰ্টি আৰু জনমত পাৰ্টিৰ দুজনকৈ বিধায়কে ২৫ দিন পূৰ্বে গঠন হোৱা সোণাল নেতৃত্বাধীন চৰকাৰখনৰ বিৰোধিতা কৰিছিল, তাৰ পিছত আস্থাহীনতাৰ বাবে চৰকাৰৰ পতন ঘটিছিল।
हिन्दुस्थान समाचार / অৰৱিন্দ
