কাঠমাণ্ডু, ০৮ ছেপ্টেম্বৰ (হি.স.)। নেপালত ছ’চিয়েল মিডিয়া নিষিদ্ধকৰণ আৰু দুৰ্নীতিৰ বিৰুদ্ধে আজিৰে পৰা যুৱক-যুৱতীসকলে প্ৰতিবাদ সাব্যস্ত কৰিবলৈ আৰম্ভ কৰিছে। প্ৰধানমন্ত্ৰী কে পি শৰ্মা অলিৰ চৰকাৰৰ বিৰুদ্ধে যুৱক-যুৱতীসকলে শ্ল’গান দি সংসদত প্ৰৱেশ কৰে। ইয়াৰ পিছত কাঠমাণ্ডুত ইন্টাৰনেট বন্ধ কৰি সান্ধ্য আইন জাৰি কৰা হৈছে।
পঞ্জীয়নৰ বাবে দিয়া সাত দিনৰ সময়সীমা পালন নকৰা সেই সকলোবোৰ ছ’চিয়েল মিডিয়া প্লেটফৰ্মত নিষেধাজ্ঞা আৰোপ কৰিছে নেপাল চৰকাৰে। ইয়াৰ বাবে চৰকাৰে এই প্লেটফৰ্মসমূহ নিষ্ক্ৰিয় কৰিবলৈ নেপাল টেলিকমলৈ এখন পত্ৰ প্ৰেৰণ কৰিছিল। নেপাল চৰকাৰে ফেচবুক, টুইটাৰ, হোৱাটছএপ, ইউটিউব আদি ২৬টা ছ’চিয়েল মিডিয়া একাউণ্টত নিষেধাজ্ঞা আৰোপ কৰাৰ বাবেই ক্ষুব্ধ যুৱক-যুৱতীসকলে ৮ ছেপ্টেম্বৰৰ পৰা জেন জি বিপ্লৱৰ নামত প্ৰতিবাদ আৰম্ভ কৰিছে। এই প্ৰতিবাদত হাজাৰ হাজাৰ যুৱকে পথত চৰকাৰৰ বিৰুদ্ধে শ্ল’গান দিয়া দেখা গ’ল। প্ৰতিবাদৰ সময়ত চৰকাৰে ঘণ্টাৰ পিছত ঘণ্টা ধৰি ফোন আৰু ইণ্টাৰনেট সেৱা ব্যাহত কৰে। ছ’চিয়েল মিডিয়াত নিষেধাজ্ঞা আৰোপ কৰাৰ পাছতো যুৱক-যুৱতীসকলে কিছু ছ’চিয়েল মিডিয়াক নিজৰ মাধ্যম কৰি আজি প্ৰতিবাদৰ আহ্বান জনাইছিল। প্ৰতিবাদৰ সময়ত একাংশ যুৱকে সংসদত প্ৰৱেশ কৰে, তাৰ পিছত সমগ্ৰ কাঠমাণ্ডুত সান্ধ্য আইন জাৰি কৰা হৈছে।
हिन्दुस्थान समाचार / অৰৱিন্দ
