বক্স অফিচত চাঞ্চল্যৰ সৃষ্টি কৰিছে ৰণবীৰ কাপুৰৰ ‘এনিমেল’ ছবিয়ে। ছবিখন চাবলৈ চিনেমা হলত উপস্থিত হৈছে দৰ্শক। ছবিখনে দৰ্শকৰ ইতিবাচক সঁহাৰি লাভ কৰিছে। ৯ দিনৰ ভিতৰত ভাৰতত ৪৩২.২৭ কোটি টকা আৰু বিশ্বজুৰি ৭২৭ কোটি টকা উপাৰ্জন কৰিবলৈ সক্ষম হৈছে ‘এনিমেল’ ছবিখনে।
ছবিখনে প্ৰথম দিনাই ৬৩ কোটি টকা উপাৰ্জন কৰে। দহ দিনৰ পাছতো ছবিখনে বক্স অফিচত নিজৰ দখল বজাই ৰাখিবলৈ সক্ষম হৈছে আৰু বিপুল ৰাজহ লাভ কৰিবলৈ সক্ষম হৈছে। ইণ্ডাষ্ট্ৰী ট্ৰেকাৰ ছাকনিল্ক ৰ প্ৰতিবেদন অনুসৰি এনিমেলে ১০ ডিছেম্বৰ অৰ্থাৎ দ্বিতীয় দেওবাৰে প্ৰায় ৩৭ কোটি টকা সংগ্ৰহ কৰে। এইদৰে ছবিখনে ৪০০ কোটি টকাৰ সীমা অতিক্ৰম কৰিলে। এই ছবিখনে এই পৰ্যন্ত ৪৩২.২৭ কোটি টকা উপাৰ্জন কৰিছে। বিশ্বজুৰি ইয়াৰ উপাৰ্জন হৈছে ৭২৭ কোটি টকা।
প্ৰথম দিনাই ৰণবীৰৰ কেৰিয়াৰৰ সৰ্বাধিক উপাৰ্জনকাৰী ছবি হিচাপে পৰিগণিত হৈছে ‘এনিমেল’ ছবি। শ্বাহৰুখ খানৰ দুয়োখন ছবি ‘জোৱান’ আৰু ‘পাঠান’ একেলগে ২২০০ কোটি টকা সংগ্ৰহ কৰিছে। ‘এনিমেল’ৰ বাবে ইমান উপাৰ্জন সম্ভৱ নহয় যদিও ইয়াৰে এখন ছবিৰ অভিলেখ নিশ্চিতভাৱে ভংগ কৰিব পাৰে। ৰণবীৰৰ লগতে ৰশ্মিকা মণ্ডন্না, অনিল কাপুৰ, ববী দেওল, শক্তি কাপুৰ, ত্ৰুপতি ডিমৰিও ‘এনিমেল’ ছবিখনত মুখ্য চৰিত্ৰত অভিনয় কৰিছে।
হিন্দুস্থান সমাচাৰ/লোকেশ/মনোজ
