নিংবো (চীন), ১২ ছেপ্টেম্বৰ (হি.স.)। আই এছ এছ এফৰ বিশ্বকাপ ৰাইফল/পিষ্টলৰ চতুৰ্থ দিনটোত ভাৰতৰ ভৱেশ শ্বেখাৱাটে সুন্দৰ প্ৰদৰ্শন আগবঢ়াই শুকুৰবাৰে ইয়াত পুৰুষৰ ২৫ মিটাৰ ৰেপিড ফায়াৰ পিষ্টল অৰ্হতাৰ প্ৰথম পৰ্যায়ত চতুৰ্থ স্থান দখল কৰে।
এই প্ৰদৰ্শনৰ বাবেই ভৱেশ ফাইনেলত প্ৰৱেশৰ দৌৰত আছে যদিও মহিলাৰ ৫০ মিটাৰ ৰাইফল থ্ৰী পজিচনত ভাৰতীয় প্ৰত্যাহ্বান দুৰ্বল হৈ পৰাত কোনো শ্বুটাৰে ফাইনেল ৰাউণ্ডত প্ৰৱেশ কৰিব নোৱাৰিলে।
আৰ পি এফ ইভেণ্টত ভৱেশে ৯৭, ৯৯ আৰু ৯৭ ৰান সংগ্ৰহ কৰি সুস্থিৰ ২৯৩-৯x স্ক’ৰ কৰি তৃতীয় স্থান দখল কৰে।
জাৰ্মানীৰ ইমানুৱেল মুলাৰে ২৯৫-১২x ৰে শীৰ্ষস্থান দখল কৰাৰ বিপৰীতে ফ্ৰান্সৰ ক্লেমেণ্ট বেছাগুৱেটে ২৯৪-১১x ৰে দ্বিতীয় স্থানত আছে। আন ভাৰতীয়ৰ ভিতৰত প্ৰদীপ সিং শ্বেখাৱটে ২৮৮-৮x (৯৮, ৯৫, ৯৫) ৰে ২৪ নম্বৰ স্থানত আছে, আনহাতে মনদ্বীপ সিঙে ২৭২-৫x (৯৩, ৯১, ৮৮) ৰে ৪৩ নম্বৰ স্থানত আছে।
মহিলাৰ ৫০ মিটাৰ ৰাইফল ৩ পজিচনৰ ফাইনেলত বিশ্বৰ ১ নম্বৰ নৰৱেৰ জিনেট হেগ ডুয়েষ্টাডে ৪৬৬.২ স্ক’ৰেৰে প্ৰতিযোগিতাখনৰ দ্বিতীয়টো সোণৰ পদক লাভ কৰে, ইয়াৰ পূৰ্বে ১০ মিটাৰ এয়াৰ ৰাইফল মিক্সড দলত সোণৰ পদক লাভ কৰিছিল।
এইবাৰ মিউনিখত অনুষ্ঠিত বিশ্বকাপত সোণৰ পদক আৰু লিমাত ৰূপৰ পদক লাভ কৰা ডুয়েষ্টাডৰ পিছতে ডেনমাৰ্কৰ ৰিকি মেং ইবচেনে ৪৬৩.৩ পইণ্টেৰে ৰূপৰ পদক আৰু চেক গণৰাজ্যৰ বাৰ্বৰা ডাবস্কাই ৪৫১.৪ পইণ্টেৰে ব্ৰঞ্জৰ পদক লাভ কৰে।
ভাৰতৰ হৈ মেহুলী ঘোষে মুঠ ৫৮৩-২৩x (আঁঠু কঢ়াত ১৯৪, প্ৰ’নত ১৯৬, ষ্টেণ্ডিঙত ১৯৩) শ্বটেৰে ২৩ নম্বৰ স্থান দখল কৰাৰ বিপৰীতে মণিনি কৌশিক ৫৮০-২২x (১৯১, ১৯৭, ১৯২) শ্বটেৰে ৪৫ নম্বৰ স্থান দখল কৰে। সুৰভি ভৰদ্বাজ ৰাপোলে ৫৭৮-২৩x (১৯৩, ১৯৬, ১৮৯) শ্বট দি ৫২ নম্বৰ স্থান দখল কৰে।
২০২৩ চনৰ বাকু বিশ্ব চেম্পিয়নশ্বিপত ১০ মিটাৰ এয়াৰ ৰাইফলত ব্ৰঞ্জৰ পদক লাভ কৰা মেহুলীয়ে আঁঠুৰ অৱস্থাত ৯৮ ৰান কৰি ভাল আৰম্ভণি কৰিছিল যদিও পৰৱৰ্তী ছিৰিজত লৰচৰ কৰি ৯৬ ৰান সংগ্ৰহ কৰি মুঠ ১৯৪ ৰান সংগ্ৰহ কৰিছিল।
প্ৰ’ন পজিচনত এক উজ্জ্বল কামবেক কৰি ৯৯ আৰু ৯৭ ৰান সংগ্ৰহ কৰি মুঠ ১৯৬ পইণ্ট লাভ কৰে যদিও ষ্টেণ্ডিং পজিচনত পুনৰ লৰচৰ কৰি ৯৫ পইণ্ট সংগ্ৰহ কৰে।
পৰৱৰ্তী ১০টা শ্বটত ৯৮ পইণ্ট লাভ কৰিলে কোনো সহায় নহ’ল আৰু ষ্টেণ্ডিং পজিচনত তেওঁৰ মুঠ স্ক’ৰ ১৯৩ হৈয়েই থাকিল।
পদকৰ হিচাপত ভাৰতে এতিয়াও একাউণ্ট খুলিব পৰা নাই যদিও চীনে দুটা সোণ, তিনিটা ৰূপ আৰু এটা ব্ৰঞ্জৰ পদকেৰে শীৰ্ষত আছে। নৰৱে দুটা স্বৰ্ণ পদকেৰে দ্বিতীয় স্থানত থকাৰ বিপৰীতে দক্ষিণ কোৰিয়াই এটা সোণ, এটা ৰূপ আৰু এটা ব্ৰঞ্জৰ পদকেৰে তৃতীয় স্থানত আছে।
हिन्दुस्थान समाचार / মনোজ কুমাৰ শইকীয়া
