দক্ষিণ শালমাৰা মানকাচৰ, ২৬ নৱেম্বৰ (হি.স.): দক্ষিণ শালমাৰা মানকাচৰ জিলাৰ অন্তৰ্গত ফেকামাৰী হাজিপাৰাত আজি পুৱা ১০ বজাত নীলানচন ছীড গ্ৰোৱাৰ ছোছাইটি নামৰ বেচৰকাৰী সংস্থাৰ উদ্যোগত আৰু জৈৱিক প্ৰামনিকৰণ অভিকৰণৰ সহযোগত মটৰ মাহৰ বীজ; বুট কালাইৰ বীজ আৰু মচুৰ কালাইৰ বীজ প্ৰায় শতাধিক কৃষকৰ মাজত বিনামূলীয়াকৈ বিতৰণ কৰা হয়।
এই বীজ বিতৰণী কায্যত সহায় সহযোগিতা আগবঢ়ায় ফজল হক চৌধুৰী; সহকাৰী বীজ প্ৰামাণিকৰণ বিষয়া; নিহাৰ জ্যোতি গোস্বামী; বীজ উৎপাদন প্ৰধান আৰু নীলানচন গ্ৰোৱাৰ ছোছাইটিয়ে।
এই বেচৰকাৰী সংস্থাটোৱে দক্ষিণ শালমাৰা মানকাচৰ জিলাৰ অন্তৰ্গত ফেকামাৰী ; দয়াৰচৰ ; মানকাচৰ; দক্ষিণ শালমাৰা আদি এলেকাৰ কৃষক সকলৰ বাবে বিনামূলীয়াক উন্নত জাতৰ বীজ বিতৰণ কৰিছে আৰু বৈজ্ঞানিক পদ্ধতিৰে খেতি কৰিবলৈ যথেষ্ট আগভাগ লোৱা পৰিলক্ষিত হৈছে। সেয়েহে এই বেচৰকাৰী সংগঠনটোৰ এনে কাৰ্য্যক সকলোৱে শলাগ জনাইছে।
পৰবৰ্তী সময়ত এই বেচৰকাৰী ছোছাইটিয়ে দক্ষিণ শালমাৰা মানকাচৰ জিলাৰ কৃষক সকলৰ উন্নয়নৰ বাবে সহায় সহযোগিতা আগবঢ়াব বুলি জানিবলৈ দিয়ে।
হিন্দুস্থান সমাচাৰ / কিশোৰ/মনোজ
