ৰাঁচী, ১৫ নৱেম্বৰ (হি.স.)। প্ৰধানমন্ত্ৰী নৰেন্দ্ৰ মোদীয়ে মঙলবাৰে নিশা ঝাৰখণ্ডৰ ৰাজধানী ৰাঁচীত উপস্থিত হয়। ৰাঁচীত তেওঁক অভূতপূৰ্ব আদৰণি জনোৱা হয়। প্ৰধানমন্ত্ৰীক সম্ভাষণ জনাবলৈ ৰাজপথত ব্যাপক জনসমাগম হোৱা দেখা গৈছিল। ইয়াৰ বাবে প্ৰধানমন্ত্ৰীয়ে নিশাই এক্সযোগে কৃতজ্ঞতা প্ৰকাশ কৰাৰ লগতে ইয়াক লৈ আনন্দ ব্যক্ত কৰে। তেওঁ কয়, মোৰ পৰিয়ালৰ বহু সংখ্যক লোকে আজি নিশা ৰাঁচীলৈ আহি যিদৰে আশীৰ্বাদ দিলে সেয়া অভিভূতজনক। প্ৰধানমন্ত্ৰী এতিয়াও ঝাৰখণ্ডত আছে।
ইফালে আজি (বুধবাৰ) পুৱা প্ৰধানমন্ত্ৰী মোদীয়ে দেশবাসীক ভাতৃ দ্বিতীয়া (ভাইয়া দুজ)ৰ শুভেচ্ছা জনায়। এই উপলক্ষে প্ৰধানমন্ত্ৰীয়ে কয় যে ভাতৃ দ্বিতীয়া ভাই-ভগ্নীৰ পবিত্ৰ সম্পৰ্কৰ প্ৰতীক উৎসৱ। এই শুভ অনুষ্ঠানত সমগ্ৰ দেশৰ আপোনাৰ পৰিয়ালৰ সদস্যসকললৈ আন্তৰিক শুভেচ্ছা। ইয়াৰ উপৰিও প্ৰধানমন্ত্ৰী মোদীয়ে ঝাৰখণ্ডৰ জনসাধাৰণক প্ৰতিষ্ঠা দিৱসত অভিনন্দন জনাই ৰাজ্যখনৰ উজ্জ্বল ভৱিষ্যত কামনা কৰিছে।
তেওঁ কয় যে ঝাৰখণ্ড খনিজ সম্পদৰ লগতে জনজাতীয় সমাজৰ সাহস, বীৰত্ব আৰু আত্মসন্মানৰ বাবে বিখ্যাত হৈ আহিছে। ইয়াত মোৰ পৰিয়ালৰ সদস্যসকলে দেশৰ প্ৰগতিৰ ক্ষেত্ৰত যথেষ্ট অৰিহণা যোগাইছে। ৰাজ্য প্ৰতিষ্ঠা দিৱসত তেখেতলৈ মোৰ শুভেচ্ছা জ্ঞাপন কৰিছো। প্ৰধানমন্ত্ৰীয়ে ভগৱান বীৰছা মুণ্ডাক তেওঁৰ জন্ম বাৰ্ষিকীত শ্ৰদ্ধাঞ্জলি জনাইছে। এই বিশেষ অনুষ্ঠানটোৰ সৈতে জড়িত জনজাতি গৌৰৱ দিৱসৰ দিনা সমগ্ৰ দেশৰ মোৰ পৰিয়ালৰ লোকসকললৈ বহু শুভেচ্ছা জনাইছে। উল্লেখযোগ্য যে আজি প্ৰধানমন্ত্ৰী মোডী ঝাৰখণ্ডত আছে। ভগৱান বীৰছা মুণ্ডাৰ জন্মস্থানো পৰিদৰ্শন কৰিব।
হিন্দুস্থান সমাচাৰ/মুকুন্দ/মনোজ/অৰবিন্দ
