ٹائیگر شراف ، کریتی سینن اور امیتابھ بچن کی فلم ’گنپت ‘ گزشتہ جمعہ یعنی 20 اکتوبر کو ریلیز ہوئی۔ فلم کو ریلیز ہوئے ایک ہفتہ ہو گیا ہے لیکن یہ باکس آفس پر شائقین کا دل جیتنے میں ناکام رہی ہے۔ فلم کی کمائی کے اعداد و شمار کافی مایوس کن ہیں۔
گنپت نے پہلے دن 2.5 کروڑ روپے ، دوسرے دن 2.25 کروڑ روپے ، تیسرے دن 2.25 کروڑ روپے ، چوتھے دن 1.3 کروڑ روپے ، پانچویں دن 1.5 کروڑ روپے اور چھٹے دن 1.10 کروڑ روپے کی کمائی کی۔ اب ساتویں دن کا ڈیٹا سامنے آگیا ہے۔ جو پچھلے چھ دنوں کے مقابلے بہت کم ہے۔ فلم نے ساتویں دن صرف ایک کروڑ روپے کا ہی بزنس کیا۔ 200 کروڑ کے بجٹ والی اس فلم کا کل کلیکشن 11.90 کروڑ ہو گیا ہے۔
کنگنا رناوت کی فلم ’ تیجس ‘ آج کل سینما گھروں کی زینت بن رہی ہے۔ اس لیے ویک اینڈ پر ’ گنپت ‘ کی کمائی بڑھنے کے امکانات کم ہو گئے ہیں۔ ’ گنپت ‘ کے فلاپ ہونے کے ساتھ ہی کریتی کے نام ایک اور فلاپ فلم درج ہو گئی ہے۔ پانچ فلاپ فلموں ’ پانی پت ‘، ’ بچن پانڈے ‘، ’ شہزادہ ‘، ’ ارجن پٹیالہ ‘ اور ’ ادی پورش ‘ کے بعد اب ’ گنپت ‘ بھی اس فہرست میں شامل ہو گئی ہیں۔
ہندوستھان سماچارمحمدخان
