اس وقت ہر طرف ‘بگ باس 17’زیر بحث ہے۔ اس میں اداکارہ انکیتا لوکھنڈے اور ان کے شوہر وکی جین ان دنوں کچھ زیادہ ہے موضوع بحث ہیں کیونکہ بگ باس میں آنے کے بعد سے یہ دونوں مسلسل لڑتے یا جھگڑتے رہے ہیں۔ کچھ دن پہلے انکیتا نے براہ راست وکی سے طلاق مانگی تھی۔ تاہم جمعہ کو نشر ہونے والے ایپی سوڈ میں کچھ ایسا ہوا جس نے سب کو حیران کر دیا۔ اس کی ویڈیو سوشل میڈیا پر وائرل ہو رہی ہے۔
انکیتا لوکھنڈے، وکی جین، ابھیشیک کمار اور ارون ماشیٹی ایک کمرے میں بیٹھے نظر آ رہے ہیں۔ انکیتا اور ارون کے درمیان ایک بڑی بحث چل رہی ہے، دوسری طرف وکی اور ابھیشیک ایک دوسرے سے بات چیت کر رہے ہیں۔ وکی، انکیتا اور ارون کی بحث سے تنگ آکر انہیں چپ رہنے کو کہتے رہے۔ انکیتا کا کہنا ہے کہ وہ ان سے بات نہیں کر رہی ہیں۔ وہ صرف ارون سے بات کر رہی ہے ۔ انکیتا کے ساتھ جھگڑے پر وکی کو اتنا غصہ آتا ہے کہ وہ اس پر ہاتھ اٹھانے کی کوشش کرتا ہے۔ غصے سے اپنے جسم سے کمبل ہٹا دیتا ہے۔ وکی کا یہ روپ دیکھ کر انکیتا بھی حیران رہ گئی۔
انکیتا لوکھنڈے نے وکی جین کے اس رویے پر کوئی ردعمل ظاہر نہیں کیا۔ تاہم ارون ماشیٹی اور ابھیشیک کمار نے اسے دیکھا اور اس کے بارے میں بات کرنے لگے۔ لیکن انکیتا صرف اپنے شوہر کے لیے ہی بول رہی تھی۔ اس وقت انہوں نے کہا کہ لوگ ان کے شوہر یعنی وکی کو بدنام کرنے کی کوشش کر رہے ہیں۔ بحث بڑھنے کے بعد، انکیتا کچن ایریا میں وکی کو سمجھاتے ہوئے نظر آئیں ۔
سب کچھ یہیں ختم نہیں ہوتاہے ۔ سوشل میڈیا پر ایک ویڈیو وائرل ہے۔ جس میں وکی جین کے رویے کو لے کر بڑا تنازعہ شروع ہو گیا تھا۔ لوگوں نے اسے ٹرول کرنا شروع کر دیا ہے۔
ہندوستھان سماچار
