پٹنہ،14جولائی(ہ س)۔ بہار میں بڑھتے جرائم کے درمیان پٹنہ ضلع میں ایک بار پھر بد معاشوں اور پٹنہ پولیس کے درمیان تصادم ہو گیا ۔ تازہ معاملہ پٹنہ ضلع کے پالی گنج سب ڈویزن کے رانی تالاب تھانہ علاقے کا ہے۔ جہاں لوٹ کی واردات کے مجرم کو پکڑنے آئی پولیس ٹیم اورجرائم پیشوں کے درمیان جھڑپ ہوا۔ واقعہ دیر رات کا بتایا جا رہا ہے۔یہ جھڑپ رانی تالاب تھانہ علاقے کے کا گاؤں کے قریب باغیچہ میں ہوا۔حالانکہ اس واقعے میں کوئی پولیس اہلکار زخمی نہیں ہوا ہے۔ اس کے ساتھ ہی ایک مجرم کو گولی لگی ہے، جبکہ ایک مجرم کو بھی پولیس نے گرفتار کر لیا ہے۔گرفتار مجرموں کی شناخت سورج کمار اور آلوک کمار کے طور پر کی گئی ہے جو پالی گنج تھانہ علاقہ کے پیر پورہ گاؤں کے رہنے والے ہیں۔ جس میں سورج کمار کو گولی لگی ہے۔ جن کا علاج پٹنہ میں چل رہا ہے۔ پولیس نے گرفتار ملزمین سے ایک دیسی ساختہ پستول اور چار زندہ کارتوس برآمد کیا ہے۔پولیس کے مطابق بھاگتے ہوئے سورج کمار کو بار بار رکنے کا حکم دیا گیا۔ لیکن وہ اندھیرے کا فائدہ اٹھاتے ہوئے تیزی سے بھاگتا رہا۔ اس کے نہ رکنے اور فرار ہونے کے خطرے کو دیکھ کر پولیس فورس نے اسے روکنے کے لیے اس پر گولی چلا دی۔ گولی سورج کمار کے پیر میں لگی جس کی وجہ سے وہ نیچے گر کر زخمی ہو گئے۔دراصل رانی تالاب تھانہ انچارج پرمود کمار کو اطلاع ملی تھی کہ پان کے دکاندار سنی کمار کی لوٹ میں ملوث بد معاش کسی بڑی واردات کو انجام دینے کیلئے گاؤں کے قریب پہنچے تھے۔ جس کے بعد پٹنہ ویسٹ سٹی کے ایس پی بھانو پرتاپ سنگھ کی قیادت میں پولیس ٹیم تشکیل دی گئی۔بتایا جاتا ہے کہ رات جب پولیس ٹیم بد معاش کو پکڑنے پہنچی تو بدمعاشوں نے پولیس کو دیکھتے ہی فائرنگ شروع کردی۔ پولیس نے بھی جوابی کارروائی کی۔ جس میں سورج کمار کے پیرمیں گولی لگی اور وہ زخمی ہو گئے۔ اس دوران دوسرا بدمعاش بھاگ رہا تھا جسے پولیس نے پکڑ لیا۔ہندوستھان سماچار
ہندوستان سماچار / Mohammad Afzal Hassan
