موہن باغان سپر جائنٹ نے ممبئی سٹی ایف سی سے جیتی بالادستی کی جنگ، بنا لیگ وینر
کولکاتا، 16 اپریل ۔ موہن باغان سپر جائنٹ کی ٹیم انڈین سپر لیگ (آئی ایس ایل) 24-2023 کی لیگ کی فاتح بن گئی ہے۔ موہن باغان نے پیر کی رات یہاں اپنے ہوم گراونڈ سالٹ لیک اسٹیڈیم میں ممبئی سٹی ایف سی کے ساتھ بالادستی کی جنگ 1-2 سے جیت لی۔ اس جیت کے ساتھ ہی انہوں نے آئی لینڈرز کو ٹاپ سے باہر کر دیا اور آئی ایس ایل لیگ ونر خطاب اپنے نام کر لیا۔
موہن باغان سپر جائنٹ کی شاندار جیت میں لسٹن کولاکو نے 28 ویں اور متبادل آسٹریلوی اسٹرائیکر جیسن کمنگز نے 80 ویں منٹ میں گول کئے۔ آسٹریلوی اسٹرائیکر دیمیتریوس پیٹراٹوس کو موہن باغان سپر جائنٹ کے دونوں گول میں معاونت فراہم کرنے کے لیے پلیئر آف دی میچ قرار دیا گیا۔
موہن باغان سپر جائنٹس نے 22 میچوں میں 15 جیت، تین ڈرا اور چار ہار سے 48 پوائنٹس لیکر ٹیبل میں تیسرے مقام سے سیدھے ٹاپ پر پہنچ کر لیگ راونڈ ختم کیا۔ وہیں ممبئی سٹی ایف سی 22 میچوں میں 14 جیت، پانچ ڈرا اور تین ہار کے ساتھ 47 پوائنٹس کے ساتھ ٹیبل میں ٹاپ سے گر کر دوسرے نمبر پر آ گئی ہے۔
میچ کا پہلا گول 28ویں منٹ میں آیا، جب ونگر لسٹن کولاکو نے موہن باغان سپرجائنٹس کو شروعاتی سبقت دلاتے ہوئے اسکور 0-1 کر دیا۔ آسٹریلیائی اسٹرائیکر دیمیتریوس پیٹراٹوس نے اٹیکنگ تھرڈ سے باکس کے تھیک باہر بائیں طرف دیا، جس پر لسٹن نے باکس کے اندر گھسنے کے بعد بائیں طرف سے کرارا رائٹ فوٹرشاٹ ٹاپ رائٹ کارنر کی طرف لانچ کر دیا اور گیند ممبئی سٹی ایف سی کے گول کیپر پوربا لچھینپا کے بائیں ہاتھ کے اوپر سے نکل کر گول جال میں جا الجھی۔
80ویں منٹ میں متبادل آسٹریلوی اسٹرائیکر جیسن کمنگز نے گول کر کے موہن بگان کی برتری کو مضبوط کرتے ہوئے اسکور 0-2 کر دیا۔ آسٹریلوی اسٹرائیکر دیمیتریوس پیٹراٹوس نے ہاف لائن کے بالکل باہر بائیں جانب سے باکس کے باہر دائیں جانب کراس فیلڈ پاس ڈالا، جہاں دوڑ کر پہنچے کمنگز نے باکس کے اندرگھسنے کے بعد گراونڈ رائٹ فوٹر شاٹ لگا کر گیند کو باٹم لیفٹ کارنر کے اندر پہنچا دیا۔ جبکہ گول کیپر پوربا لچھنپا اپنے دائیں جانب ڈائیو لگانے کے باوجود دفاع میں ناکام رہے۔
89ویں منٹ میں ونگر لالیانزوالا چھانگٹے نے سیزن کا اپنا ساتواں گول کرکے ممبئی سٹی ایف سی کو کچھ راحت پہنچاتے ہوئے فرق 2-1 کر دیا۔ بائیں سرے پر کارنر کک کے دوران، لالینگماویا رالتے نے ہیڈر کرکے گیند کو باکس کے اندر دائیں جانب پہنچایا، جہاں موجود چھانگٹے نے گراونڈیڈ لیفٹ فوٹر شاٹ لگا کر گیند کو سیدھے گول پوسٹ کے اندر پہنچا دیا۔
موہن باغان کو 902ویں منٹ میں دس کھلاڑیوں کے ساتھ کھیلنا پڑا جب برینڈن ہیمل کو ریفری وینکٹیش آر نے دوسرا پیلا کارڈ دکھا کر میدان سے باہر بھیج دیا۔ آسٹریلوی سینٹر بیک کو 901ویں منٹ میں پہلا پیلا کارڈ ملا تھا۔
آئی ایس ایل میں دونوں ٹیموں کے درمیان یہ 25 واں مقابلہ تھا، موہن باغان سپر جائنٹس نے ساتویں جیت حاصل کی جبکہ ممبئی سٹی ایف سی نے 11 میچ جیتے ہیں۔ دونوں کے درمیان سات میچ ڈرا ہوئے ہیں۔ اس نتیجے کے بعد رواں سیزن میں دونوں ٹیموں کے درمیان میچز میں توازن برابر رہا۔ کیونکہ ممبئی سٹی ایف سی نے دونوں کے درمیان سیزن کا پہلا میچ 1-2 سے جیتا تھا۔
